39 Mwaviyo, Eliyazara wasembi wanguto vakupaliyapu motu vamkuŵa vo vinguza ndi ŵanthu wo anguwotcheka ndi motu, ndipu wanguvisula ndi kuvibatika kuguŵa la sembi, 40 nge mo Yehova wangumukambiya kuziya mwaku Mozesi. Chenga chikumbusu kwa Ayisirayeli kuti munthu wambula kuzomerezeka,* yo ndi mphapu yaku Aroni cha, wanganderenga cha pafupi kuti wawotchi vakununkhira pa masu paku Yehova+ kweniso kuti paŵevi munthu yo watenere kuchita vinthu nge Kora kweniso ŵanthu wo angukoliyana nayu.+

27 Munthu waku Chiuta wanguza kwaku Eli ndipu wangumukambiya kuti: “Ivi ndivu Yehova wakamba; ‘Asi ndingujivumbuwa pakweru kunyumba ya awusu pa nyengu yo ŵenga ku Ijipiti nge akapolu kunyumba yaku Farawo?+ 28 Ndipu awusu ndinguŵasankha kutuwa pakati pa mafuku ngosi nga Ayisirayeli+ kuti ateŵetiyengi nge wasembi wangu, kweniso kuti alutengi paguŵa la sembi+ kuchipereka sembi ndi sembi za vakununkhira* ndipuso kuti avwalengi efodi pa masu pangu. Ndipu nyumba ya awusu ndinguyipaska sembi zosi zakotcha pamotu za Ayisirayeli.*+

9 mwakukoliyana ndi dangu la asembi,* wangusere mumalu ngakupaturika ngaku Yehova*+ nyengu yaki yakuti wapereke sembi ya vakununkhira+ yati yakwana.