27 “Yiwi wechendafiki, ndazakuŵachitiska kuti andiwopi,+ ndipu ŵanthu wosi wo wazamukumana nawu ndazakuŵatimbanyizga, ndipuso ndazamuchitiska kuti arwani ŵaku wosi athaŵi pa masu paku chifukwa chakuthereskeka.+

9 Iyu wangukambiya anthulumi wo kuti: “Ndiziŵa kuti Yehova wakupaskeningi charu ichi,+ ndipu taŵanthu tosi titikuwopani.+ Ŵanthu wosi a mucharu ichi ŵe ndi mantha chifukwa chaku yimwi,+ 10 pakuti tikuvwa mo Yehova wangukumizgiyani maji pa Nyanja Yiyera muchituwa mu Ijipiti,+ kweniso vo yimwi mukuchitiya Sihoni+ ndi Ogi+ mafumu ngaŵi nga Aamori, ngo mungungabaya kusirya* kwa Yorodani.

5 Mafumu ngosi nga Aamori+ ngo ngenga kuzambwi* kwa Yorodani kweniso mafumu ngosi nga Akanani+ ngo ngenga kufupi ndi kunyanja, ngati ngavwa ŵaka kuti Yehova wangukamusiya Ayisirayeli maji nga mumsinji wa Yorodani, mpaka po wosi anguyambukiya, mitima yawu yingusongonoka+ ndipu palivi yo wenga ndi nthazi* chifukwa cha Ayisirayeli.+