5 Kweni mukapenjengi Yehova Chiuta winu pamalu ngengosi ngo wasankha kuŵikapu zina laki ndipuso pamalu ngo waja, pakati pa mafuku nginu, ndipu kweniko ndiku mukalutengi.+

17 Wazamuzomerezeka cha kuryiya mumatawuni ngaku chatchumi cha mbewu zaku, vinyu waku wasonu, mafuta ngaku, viŵetu vakwamba kuwaku pa ng’ombi zaku kweniso pa mbereri zaku,+ sembi zaku zosi zakulapizga zo walayizga pamwenga vakupereka vakutuliya mujanja laku.

19 “Uzitowesengi mwana wakwamba munthulumi wa ng’ombi zaku ndipuso wa mbereri zaku, kuti waje waku Yehova Chiuta waku.+ Mwana wakwamba wa ng’ombi zaku, ungazimugwiriskanga ntchitu yeyosi cha, ndipu mwana wakwamba wa mbereri zaku ungazimumetanga cha weya. 20 Yiwi ndi a munyumba yaku muziryiyengi nyama yaki pa masu paku Yehova Chiuta waku chaka ndi chaka, pamalu ngo Yehova wazamusankha.+