20 Yehova wangulutirizga kukambiya Aroni kuti: “Yiwi uŵengevi chihara mucharu chawu ndipu upaskikengi malu cha pakati pawu.+ Ini ndini chigaŵa chaku ndipuso chihara chaku pakati pa Ayisirayeli.+

24 Pakuti ndapereka kwa Alevi chatchumi cho Ayisirayeli apereka kwaku Yehova, nge chihara chawu. Ndichu chifukwa ndaŵakambiya kuti, ‘Angalondiyanga chihara cha pakati pa Ayisirayeli.’”+

9 Ndichu chifukwa chaki Alevi alivi chigaŵa pamwenga chihara pakati pa abali ŵawu. Yehova ndiyu chihara chawu, nge mo Yehova Chiuta winu wanguŵakambiya.+

14 Fuku la Alevi pe ndilu wangulipaska cha chihara.+ Sembi zakotcha pamotu zakuperekeka kwaku Yehova Chiuta waku Isirayeli ndizu chihara chawu,+ nge mo wanguŵalayizgiya.+

33 Kweni fuku la Alevi, Mozesi wangulipaska cha chihara.+ Yehova Chiuta waku Isirayeli ndiyu chihara chawu nge mo wanguŵalayizgiya.+

13 Kumbi muziŵa cha kuti ŵanthu wo agwira ntchitu zakupaturika aturya vinthu va munyumba yakusopiyamu, ndipuso wo nyengu zosi ateŵete paguŵa la sembi alondiyaku vinthu va paguŵa la sembi?+