21 Pavuli paki Davidi wangufika ku Nobu+ kwaku Ahimeleki wasembi. Ahimeleki wanguchita mantha wati wakumana ndi Davidi, ndipu wangumufumba kuti: “Ntchifukwa wuli we wija kwambula munthu munyaki?”+ 2 Davidi wangumuka wasembi Ahimeleki kuti: “Fumu yandituma kuti nkhachiti chinthu chinyaki, kweni yandilamula kuti, ‘Ungakambiyanga weyosi cha vo ndakutuma kuti ukachiti kweniso ulongozgi wo ndakupaska.’ Ndapangana ndi anyamata ŵangu kuti tikumani pachili panyaki.