16 Mwaviyo, yiwu anguza ndi Bokosi laku Chiuta wauneneska ndipu anguliŵika muhema lo Davidi wangulijinthiya.+ Yiwu angupereka sembi zakupiriza kweniso sembi za chimangu pa masu paku Chiuta wauneneska.+ 2 Davidi wati wamaliza kupereka sembi zakupiriza+ kweniso sembi za chimangu,+ wangutumbika ŵanthu mu zina laku Yehova. 3 Iyu wangugaŵiya so Ayisirayeli wosi, munthulumi ndipuso munthukazi, weyosi wangumupaska chiŵandi chakuzunguliya, keki yakutuliya ku vipasu va kantchindi kweniso keki ya mphereska zakumira.