10 Nthonga ya ufumu yazamutuwaku cha kwaku Yuda,+ ndipu nthonga ya mulongozgi yazamutuwapu cha pakati pa malundi ngaki mpaka po waziyengi Shilo,*+ ndipu iyu ndiyu ŵanthu amitundu yosi azakumuvwiya.+

24 Sauli wangukambiya Samuyeli kuti: “Ndabuda chifukwa ndavwiya cha dangu laku Yehova kweniso mazu nginu, pakuti ndingopa ŵanthu ndipu ndinguvwiya vo yiwu angukamba.

28 Ivi vati vachitika, Samuyeli wangukamba kuti: “Yehova wakeruwa ndi kutuzgaku ufumu wa Ayisirayeli kwaku yiwi, ndipu wawuperekengi ku munyaku, yo ngwamampha kuluska yiwi.”+

13 Sonu Samuyeli wanguto sengwi la mafuta+ ndipu wangupunguliya Davidi aku ŵaki achiwona. Kwamba pa zuŵa lenili mpaka munthazi, mzimu waku Yehova ungwamba kugwira ntchitu paku Davidi.+ Pavuli paki Samuyeli wangusoka ndi kuwere ku Rama.+

4 Davidi wenga ndi vyaka 30 pa nyengu yo wangujaliya fumu, ndipu wangulamuliya kwa vyaka 40.+ 5 Ku Heburoni wangulamuliya Ayuda kwa vyaka 7 ndi myezi 6, ndipu ku Yerusalemu+ wangulamuliya Ayisirayeli wosi ndi Ayuda kwa vyaka 33.

3 Sonu ŵara wosi ŵa Ayisirayeli anguza kwa fumu ku Heburoni, ndipu Davidi wanguchita nawu phanganu ku Heburoni pa masu paku Yehova. Pavuli paki, yiwu angusankha* Davidi kuti waje fumu ya ku Isirayeli,+ mwakukoliyana ndi mazu ngo Yehova wangukamba kuziya mwaku Samuyeli.+