8 Sonu Davidi wangukambiya Chiuta wauneneska kuti: “Ndabuda+ ukongwa po ndachitiya venivi. Sonu chondi, ndigowokiyeni ndamteŵeti winu,+ pakuti ndachita vinthu mwauzereza ukongwa.”+ 9 Yehova wangukambiya Gadi+ yo wenga wakuwona viwona waku Davidi kuti: 10 “Luta ukakambiyi Davidi kuti, ‘Yehova wakamba kuti: “Pe vinthu vitatu vakuti usankhepu. Usankhepu chimoza chakuti ndichiti nawi.”’” 11 Sonu Gadi wanguza kwaku Davidi ndi kumukambiya kuti; “Yehova wakamba kuti, ‘Usankhepu wija, 12 kwali usankhengi kuti mucharu muwi nja yikulu kwa vyaka vitatu,+ pamwenga kuti kwa myezi yitatu arwani ŵaku akupeyi uku atikuthereska ndi lipanga,+ pamwenga so kuti kwa mazuŵa ngatatu lipanga laku Yehova limoza ndi mungelu waku Yehova linangi+ charu chosi cha Isirayeli, kung’anamuwa kuti muwi mulili.’+ Sonu uŵanaŵaniyepu vakuti nkhamuki kwaku Yo wandituma.” 13 Davidi wangukambiya Gadi kuti: “Venivi vandipaska chitima ukongwa. Chondi, Yehova ndiyu wandilangi, pakuti lisungu laki ndikulu.+ Kweni ndingalangikanga ndi janja la munthu cha.”+