31 Sonu fumu yingukambiya Benaya kuti: “Kachiti nge mo iyu wakukambiya. Luta ukamubayi ndi kumuŵika mumasanu kuti utuzgepu paku ini kweniso pa nyumba ya ada ndopa zambula mulandu zo Yowabu wangudira.+ 32 Yehova waweziyengi ndopa zaki pamutu waki, chifukwa iyu wangubaya ndi lipanga anthulumi ŵaŵi kwambula ada a Davidi kuziŵa. Anthulumi yaŵa ŵenga arunji ukongwa kweniso amampha ukongwa kuphara iyu; wangubaya Abineri+ mura wa asilikali ŵa Ayisirayeli yo wenga mwana waku Nera,+ kweniso Amasa+ mulongozgi wa asilikali a ku Yuda yo wenga mwana waku Yeta.+