Ndibaya kweniso ndipereka umoyu.+

32 Elisha wati wasere munyumba, wangusaniya kuti mnyamata yo wafwa ndipu amugoneka pabedi laki.+

34 Pavuli paki, wangusoka pabedi ndipu wangugona pa mwana yo. Iyu wanguŵika mulomu waki pamulomu wa mwana, masu ngaki pamasu nga mwana, ndipu vikufi va manja ngaki vingukwaskana ndi vikufi va manja nga mwana. Elisha wangulutirizga kukotama pachanya pa mwana yo mpaka liŵavu la mwana lingwamba kufunda.+

21 Ŵanthu anyaki achiŵika munthu wakufwa mumasanu, anguwona gulu la vigeŵenga, ndipu mwaliŵiliŵi anguponya munthu yo mumuwunda waku Elisha. Sonu munthu yo wati wakwaskana ndi viwanga vaku Elisha, wanguyuka+ ndipu wanguma wima.

15 Ndipu wakufwa yo wanguyuka ndi kuja uja, wangwamba kulongoro ndipu Yesu wangumupereka kwa anyina.+

54 Kweni Yesu wangumuko pajanja ndipu wangumudana kuti: “Wamwana, yuka!”+ 55 Ndipu mzimu waki+ unguweriyamu,* wanguyuka nyengu yeniyo+ ndipu Yesu wangulamula kuti amupaski chakurya.

28 Mungazizwanga cha ndi venivi, chifukwa ora lituza lenilo ŵanthu wosi wo ŵe mumiwunda yachikumbusu, azamukuvwa mazu ngaki+ 29 ndipu azamutuwamu. Wo anguchita vinthu vamampha azamuyuka kuti alonde umoyu, kweni wo anguchita vinthu viheni azamuyuka kuti ayeruzgiki.+

44 Munthu yo wenga wakufwa wangutuliya kubwalu, maphazi kweniso manja ngaki ngangukulungika ndi sanda. Chisku chaki nachu chingukulungika ndi sanda. Ndipu Yesu wanguŵakambiya kuti: “Mufwatuweni, ndipu mulekeni kuti wakengi.”

40 Sonu Peturo wangutuzgiya ŵanthu wosi kubwalu+ ndipu wati wajikama, wangupemphera. Pavuli paki wangung’anamukiya ko kwenga thupi ndipu wangukamba kuti: “Tabita, yuka!” Iyu wangubenuwa masu ngaki ndipu wati wawona Peturo, wanguja uja.+ 41 Peturo wangumuko pajanja ndi kumusoska. Iyu wangudana akupaturika ndi vyoko ndipu wangumupereka wamoyu kwaku yiwu.+

9 Paulo wachilutirizga kulongoro, mnyamata munyaki yo wanguja pawindu zina laki Utiko, wangugona. Sonu tulu tati takonda, wanguwa pasi kutuwa panyumba yachitatu yakuyerekana ndipu achimutondo angusaniya kuti wafwa. 10 Kweni Paulo wangusikiya pasi, wangujiponya pa mnyamata yo ndi kumuvumbatiya+ ndipu wangukamba kuti: “Lekani kuliya chifukwa ngwamoyu.”+

9 Ndichu chifukwa chaki Khristu wangufwa ndi kuja so wamoyu, kuti waje Mbuya wa akufwa ndi amoyu.+

17 Chifukwa cha chivwanu, Abrahamu wati wayeseka,+ wanguja nge kuti wapereka kali Isaki. Munthu mwenuyu, yo wangukondwa ukongwa kulonde malayizgu, wenga wakunozgeka kupereka mwana waki wapade,+

19 Kweni wanguziŵa kuti Chiuta wangamuyuska chinanga nkhu nyifwa, ndipu mwantharika wangumulonde nadi kutuliya ku nyifwa.+