23 Pakumaliya, Mozesi ndi Aroni angusere muchihema chakukumanaku ndipu ŵati atuwamu, angutumbika ŵanthu.+

Sonu unkhankhu waku Yehova unguwoneke ku ŵanthu wosi,+ 24 ndipu motu ungutuwa kwaku Yehova+ ndi kwamba kotcha sembi yakupiriza kweniso vinthu va mafuta vo venga paguŵa la sembi. Ŵanthu wosi ŵati awona venivi, angwamba kudaniriza ndipu angujikama ndi kusindama mpaka visku vawu pasi.+

24 Pakuti Yehova Chiuta winu ndi motu wakupiriza,+ iyu ndi Chiuta yo wakhumba kuti ŵanthu ajiperekengi kwaku iyu pe.+

21 Sonu mungelu waku Yehova wangukwaska nyama kweniso chiŵandi chambula chakutupisa ndi kusongu kwa nthonga yo wenga nayu kujanja laki. Ndipu motu ungulipuka kutuwa mumwa ndi kotcha nyama kweniso chiŵandi chambula chakutupisa.+ Mungelu waku Yehova wanguwoneka so cha.

26 Davidi wanguzenge Yehova guŵa la sembi+ pamalu ngenanga, ndipu wangupereka sembi zakupiriza kweniso sembi za chimangu, ndipu wangudaniya paku Yehova yo wangumumuka mwakugwiriskiya ntchitu motu+ wakutuwa kuchanya wo unguza paguŵa la sembi zakupiriza.

7 Solomoni wati wamaliza ŵaka kupemphera,+ motu ungusika kutuwa kuchanya+ ndipu unguwotcha sembi yakupiriza ndipuso sembi zinyaki, kweniso unkhankhu waku Yehova unguzaza nyumba.+