26 Ahaziya wenga ndi vyaka 22 pa nyengu yo wangujaliya fumu ndipu wangulamuliya ku Yerusalemu kwa chaka chimoza. Anyina ŵenga a Ataliya,+ mzuku* waku Omuri+ fumu ya ku Isirayeli.

27 Sonu Ahaziya,+ fumu ya ku Yuda wati wawona venivi, wanguthaŵa ndipu wanguselere kunthowa yakulaziya kunyumba ya kumunda. (Pavuli paki Yehu wangumutchimbiza ndipu wangukamba kuti: “Nayu mubayeni!” Mwaviyo angumugwaza mugaleta laki wachithaŵiya ku Guru, malu ngo nge kufupi ndi Ibuleyamu.+ Kweni wangulutirizga kuthaŵa mpaka wanguchifika ku Megido, ndipu wangufwiya kweniko.