21 Manasi+ wenga ndi vyaka 12 pa nyengu yo wangujaliya fumu, ndipu wangulamuliya kwa vyaka 55 ku Yerusalemu.+ Anyina ŵenga a Hefiziba.

3 Manasi wanguzenga so malu ngapachanya ngo awisi a Hezekiya angubwanganduwa,+ wanguzenge Bala maguŵa nga sembi kweniso wangupanga polu lakupaturika,*+ nge mo Ahabu fumu ya ku Isirayeli wanguchitiya.+ Wajikamiyanga so mizinda yosi yakuchanya ndipuso wayiteŵetiyanga.+

6 Iyu wangujumphisa mwana waki munthulumi pamotu; wachitanga vamasenga, wawombezanga+ kweniso wangusankha ŵanthu wo alongoronga ndi mizimu ndipuso wo aloskanga vo vichitikengi kunthazi.+ Manasi wanguchita mwakujumphisa vinthu viheni pa masu paku Yehova, kuti wamukwiyisi.

28 Ahazi+ wenga ndi vyaka 20 pa nyengu yo wangujaliya fumu, ndipu wangulamuliya kwa vyaka 16 ku Yerusalemu. Iyu wanguchita cha cho ntchakwenere pa masu paku Yehova, nge mo Davidi mpapi ŵaki wakali wanguchitiya.+

3 Ndipuso wangupereka sembi za josi mu Dambu la Mwana waku Hinomu* kweniso wangotcha ŵana ŵaki anthulumi pamotu,+ mwakulondo midawuku yaukazuzi ya ŵanthu amitundu+ yo Yehova wanguyidikisa pa masu pa Ayisirayeli.