9 Pa zuŵa la 13 mu mwezi wa 12, wo ndi mwezi wa Adara,*+ pa nyengu yo mazu kweniso dangu la fumu vakhumbikanga kuchitika,+ pa zuŵa lo arwani ŵa Ayuda akhumbanga kuti aŵathereski, vinthu vingugadabuka ndipu Ayuda anguthereska ŵanthu wo aŵatinkhanga.+ 2 Ayuda anguwungana pamoza mumatawuni ngawu muvigaŵa vosi va Fumu Ahasiweru,+ kuti abayi ŵanthu wo akhumbanga kuŵapweteka. Ndipu pengavi munthu yo watingi wamengeku chifukwa ŵanthu wosi aŵawopanga.+