11 Mwaviyo, awusewu a Isirayeli anguŵakambiya kuti: “Pakuti palivi nthowa yinyaki, chitani ivi: Toni vinthu vamampha ukongwa va mucharu ichi ndi kuviŵika mumathumba nginu ndipu mumupingiyi munthu yo nge mphasu:+ Basamu+ mumanavi, uchi umanavi, labidanamu, makungwa nga mamphiza,+ mbalala za pisitakiyo ndi alimondi.

2 Fumukazi iyi yinguza ku Yerusalemu ndi ŵanthu anandi wo anguza kuziyiperekeza,+ ndipuso yinguza ndi ngamila zo zingupinga mafuta nga basamu,+ golidi munandi kweniso mya yakuzirwa. Yingufika ko kwenga Solomoni ndipu yingukamba chechosi cho chenga mumtima mwaki.

13 Hezekiya wanguŵalondere* ndipu wanguŵalongo nyumba yaki yosi yakusungamu chuma,+ kung’anamuwa siliva, golidi, mafuta nga basamu, mafuta nganyaki ngakudula ndipuso vidya vaki vankhondu. Iyu wanguŵalongo so chechosi cho chenga muvipinda vaki vakusungamu chuma. Pengavi chinthu cho Hezekiya wanguleka kuŵalongo munyumba yaki* ndipuso muchigaŵa chosi cho iyu walamuliyanga.