LAYIBULARE YA PA INTANETI

Dotoronome 1:16, 17

Bayibolu la Charu Chifya la Malemba Ngakupaturika
- 16 “Pa nyengu yeniyo, ndingukambiya akweruzga ŵinu kuti, ‘Asani muyeruzga milandu ya pakati pa abali ŵinu, muyeruzgengi mwaurunji+ pakati pa munthu ndi mubali waki pamwenga mulendu yo waja pakati pinu.+ 17 Mungayanjiyanga cha pakuyeruzga.+ Kwali munthu yo ngwakuzirwa pamwenga ngwambula kuzirwa, muyeruzgengi mwakuyanana.+ Mungawopanga ŵanthu cha+ pakuti cheruzgu ntchaku Chiuta.+ Ndipu asani mulandu wo ngwakusuzga ukongwa kwaku yimwi, muzengi nawu kwaku ini kuti ndiyeruzgi.’+

2 Samuyeli 8:15

Bayibolu la Charu Chifya la Malemba Ngakupaturika
- 15 Davidi wangulutirizga kulamuliya Ayisirayeli wosi,+ ndipu iyu wayeruzganga ŵanthu ŵaki wosi ndi kuŵachitiya urunji.+

Salimo 72:1, 2

Bayibolu la Charu Chifya la Malemba Ngakupaturika
- 72 Yimwi Chiuta, perekani vyeruzgu vinu kwa fumu,
  Mwana wa fumu mumupaski urunji winu.+
  
  2 Iyu wayeruzgi mulandu wa ŵanthu ŵinu mwaurunji,
  Kweniso wayeruzgi mulandu wa ŵanthu ŵinu akusika mwaurunji.+

Yesaya 11:4

Bayibolu la Charu Chifya la Malemba Ngakupaturika
- 4 Iyu wazamuyeruzga ŵanthu akusika mwaurunji,
  Ndipu wazamuchenya ŵanthu mwakunyoloka chifukwa cha ŵanthu akufwasa a pacharu chapasi.
  
  Wazamupuma charu chapasi ndi nthonga ya mulomu waki,+
  Ndipu wazamubaya ŵanthu aheni ndi mvuchi* wa milomu yaki.+