• Yesaya 56:6, 7
    Bayibolu la Charu Chifya la Malemba Ngakupaturika

    •  6 Alendu wo atijibatika kwaku Yehova kuti amuteŵete,

      Kuti ayanjengi zina laku Yehova+

      Ndipuso kuti aje ateŵeti ŵaki,

      Wosi wo asunga Sabata kweniso atilifipiska cha

      Ndipuso wo akolesa phanganu langu,

       7 Nawu ndazamukuza nawu kuphiri langu lakupaturika+

      Ndipu ndazamuchitiska kuti akondwengi mukati mwa nyumba yangu yakupempheriyamu.

      Sembi zawu zamphumphu zakupiriza kweniso sembi zawu zinyaki zazamuzomerezeka paguŵa la sembi.

      Pakuti nyumba yangu yazamudanika kuti nyumba yakupempheriyamu ya ŵanthu wosi.”+

  • Yesaya 66:20
    Bayibolu la Charu Chifya la Malemba Ngakupaturika

    • 20 Yiwu azamukuza ndi abali ŵinu wosi nge mphasu kwaku Yehova kutuliya ku mitundu yosi ya ŵanthu.+ Azamukuza nawu pamahachi, mumagaleta, mungolu zakujala pachanya, panyama za nyulu* kweniso pangamila zakutchimbiya ukongwa. Azamukwere nawu kuphiri langu lakupaturika, Yerusalemu,” Yehova ndiyu wakamba, “nge mo Ayisirayeli alutiya kunyumba yaku Yehova ndi mphasu zawu muchiyaŵi chakutowa.”

  • Ezekiyeli 20:40
    Bayibolu la Charu Chifya la Malemba Ngakupaturika

    • 40 “‘Pakuti muphiri langu lakupaturika, paphiri litali la ku Isirayeli,’+ Yehova, Ambuya Fumu Yikulu ndiyu wakamba, ‘ndiku nyumba yosi ya ku Isirayeli, Ayisirayeli wosi, azakunditeŵete mucharu cho.+ Ndazamukondwa nawu kweniko ndipu ndazamukhumba vakupereka vinu kweniso sembi zinu za vipasu vakwamba, vinthu vinu vosi vakupaturika.+