72 Yimwi Chiuta, perekani vyeruzgu vinu kwa fumu,

Mwana wa fumu mumupaski urunji winu.+

 8 Iyu wazamulamuliya ŵanthu kutuwa kunyanja mpaka kunyanja

Kweniso kutuwa ku Msinji* mpaka kuvigoti va charu.+

 9 Mitundu yosi yo mukupanga

Yizengi ndi kuzijikama pa masu pinu yimwi Yehova,+

Ndipu yiwu akankhuskengi zina linu.+

4 Mu mazuŵa ngakumaliya,

Phiri la nyumba yaku Yehova+

Lazamujalikiskika pachanya pa mapiri,

Ndipuso lazamukwezeka pachanya pa mitunthu,

Ndipu mitundu ya ŵanthu yazamundonde kweniko.+

“Zani, tiyeni tikwere ku phiri laku Yehova

Kweniso kunyumba yaku Chiuta waku Yakobe.+

Iyu wakutisambiza nthowa zaki,

Ndipu isi tamukwenda mu nthowa zaki.”

Pakuti dangu lazamutuwa* mu Ziyoni,

Ndipuso mazu ngaku Yehova ngazamutuwa mu Yerusalemu.

 3 Iyu wazamuyeruzga mitundu yinandi ya ŵanthu+

Ndipu wazamunyoloska* vinthu vakukwaskana ndi mitundu yanthazi yakutali.

Yiwu azamusula malipanga ngawu kuti ngaje mayembi nga pulawu

Ndipuso azamusula mikondu yawu kuti yije vidya vakuphatiya vimiti.+

Mtundu wazamunyamuwa lipanga cha kuti uyukiyi mtundu unyaki,

Ndipu ŵanthu azamusambira so nkhondu cha.+