LAYIBULARE YA PA INTANETI

Levitiko 26:32

Bayibolu la Charu Chifya la Malemba Ngakupaturika
- 32 Ndazamuchitiska kuti charu chinu chije chambula ŵanthu+ ndipu arwani ŵinu wo aja mucharu cho azamuzizwa nachu ukongwa.+

2 Mbiri 36:20, 21

Bayibolu la Charu Chifya la Malemba Ngakupaturika
- 20 Ŵanthu wo anguleka kubayika ndi lipanga yinguŵatole ku ukapolu ku Babiloni,+ ndipu yiwu anguja ateŵeti ŵaki+ kweniso ateŵeti a ŵana ŵaki mpaka po ufumu wa Peresi ungwambiya kulamuliya.+ 21 Venivi vinguchitika kuti mazu ngo Yehova wangukamba kuziya mwaku Yeremiya ngafiskiki,+ mpaka po charu chingulipiriya masabata ngaki.+ Mazuŵa ngosi ngo charu ichi chingujaliya mahami, chasunganga sabata kuti chifiski vyaka 70.+

Yesaya 6:11

Bayibolu la Charu Chifya la Malemba Ngakupaturika
- 11 Ndati ndavwa venivi, ndingufumba kuti: “Mpaka zuŵanji, yimwi Yehova?” Pavuli paki, iyu wangukamba kuti:
  
  “Mpaka po matawuni ngabwangandulikiya ndi kuja mahami ngambula ŵanthu
  Ndipuso mpaka po nyumba zajaliya zambula ŵanthu
  Kweniso mpaka po charu chanangikiya ndi kuja mahami.+

Yeremiya 10:22

Bayibolu la Charu Chifya la Malemba Ngakupaturika
- 22 Avwani! Uthenga! Utuza!
  
  Kutuza chimtimbaheka chikulu kutuliya kucharu cha kunkhondi,*+
  Kuzisambusa matawuni nga ku Yuda kuja mahami, mphanji ya akambwi.+

Ezekiyeli 33:28

Bayibolu la Charu Chifya la Malemba Ngakupaturika
- 28 Ndazamusambusa charu cho kuja mahami,+ ndazamumalisa kujikuzga kwaki kweniso mapiri nga ku Isirayeli ngazamunangika,+ ndipu mwazamujumphanga ŵanthu cha.