13 Yehova wangulutirizga kutcheŵeska Ayisirayeli kweniso Ayuda mwakugwiriskiya ntchitu achimi ŵaki wosi ndipuso ŵanthu wosi wo awonanga viwona,+ ndipu waŵakambiyanga kuti: “Weniku kunthowa zinu ziheni!+ Lutirizgani kusunga ulongozgi wangu kweniso marangu ngangu mwakukoliyana ndi dangu lo ini ndingulamula apapi ŵinu akali, kweniso lo ini ndingukutumiziyani kuziya mwa ateŵeti ŵangu achimi.”

11 “Sonu kambiya ŵanthu a ku Yuda kweniso ŵanthu a mu Yerusalemu kuti, ‘Yehova wakamba kuti: “Nditikunozgiyani* soka kweniso chiŵembu. Chondi, tuwaniku ku nthowa zinu ziheni ndipu sinthani nthowa zinu kweniso vo muchita.”’”+

15 Ndakutumiyaningi ateŵeti ŵangu wosi achimi, ndaŵatumanga mwakuwerezawereza,*+ ndipu akukambiyaningi kuti, ‘Chondi, tuwaniku ku nthowa zinu ziheni,+ chitani cho ntchamampha! Mungalondonga achiuta anyaki cha ndi kuŵateŵete. Ndipu mulutirizgengi kuja mucharu cho ndikuchipereka kwaku yimwi kweniso kwa apapi ŵinu akali.’+ Kweni mungukhazaku cha gutu linu pamwenga kundivwiya.

30 “‘Mwaviyo, ndazamuyeruzga weyosi mwakukoliyana ndi nthowa zaki,+ yimwi a munyumba yaku Isirayeli,’ Yehova Ambuya Fumu Yikulu ndiyu wakamba. ‘Tuwaniku, tuliyaniku limu ku mphulupulu zinu zosi, kuti zileki kuja chinthu chakuguŵiska cho chingachitiska kuti muje ndi mulandu.

11 Uŵakambiyi kuti: ‘“Nge mo ini ndiliri wamoyu,” Yehova, Ambuya Fumu Yikulu ndiyu wakamba, “ndikondwa cha ndi nyifwa ya munthu muheni,+ kweni ndikondwa asani munthu muheni wasintha nthowa yaki+ ndipu walutirizga kuja ndi umoyu.+ Tuwaniku, tuwaniku ku nthowa zinu ziheni,+ mufwiyengenji yimwi a munyumba yaku Isirayeli?”’+