11 Nebukadinezara fumu ya ku Babiloni wanguza kutawuni yeniyi pa nyengu yo ateŵeti ŵaki anguzingiliza tawuni yo.

13 Sonu fumu ya ku Babiloni yinguto chuma chosi cha munyumba yaku Yehova ndipuso chuma chosi cha munyumba ya fumu.*+ Iyu yingucheketa viyaŵi vosi vagolidi vo venga munyumba yakusopiyamu yaku Yehova,+ vo Solomoni fumu ya ku Isirayeli wangupanga. Venivi vinguchitika mwakukoliyana ndi vo Yehova wangukambiya limu.

7 Nebukadinezara wangutole ku Babiloni vinyaki mwa viyaŵi va munyumba yaku Yehova, ndipu wanguviŵika munyumba yaki yachifumu ku Babiloni.+

28 Mu chaka chenicho, kukwamba kwa ulamuliru waku Zedekiya fumu+ ya ku Yuda, mu chaka chachinayi, mu mwezi wachinkhondi, mchimi Hananiya mwana waku Azuri wa ku Gibiyoni,+ wangulongoro nani munyumba yaku Yehova, pa masu pa asembi kweniso ŵanthu wosi, ndipu wangundikambiya kuti: 2 “Yehova wa mizinda, Chiuta waku Isirayeli wakamba kuti, ‘Ndifyongi goli la fumu ya ku Babiloni.+ 3 Mu vyaka viŵi pe, ndiweziyengi mumalu yanga viyaŵi vosi va munyumba yaku Yehova, vo fumu Nebukadinezara ya ku Babiloni yinguvito mumalu yanga ndi kuluta navu ku Babiloni.’”+

1 Mu chaka chachitatu cha ulamuliru wa Fumu Yehoyakimu+ ya ku Yuda, Fumu Nebukadinezara ya ku Babiloni yinguza ku Yerusalemu ndipu yinguzingiliza tawuni yo.+ 2 Pavuli paki, Yehova wangupereka Fumu Yehoyakimu ya ku Yuda mu manja mwaku Nebukadinezara+ limoza ndi viyaŵi vinyaki va munyumba* yaku Chiuta wauneneska, ndipu wanguluta navu kucharu cha Shinara,*+ kunyumba* yaku chiuta waki. Iyu wanguŵika viyaŵi vo munyumba yakusungamu chuma yaku chiuta waki.+