29 “Asani Yehova Chiuta waku wananga mitundu yo ulondengi charu chawu,+ ndipu yiwi wayamba kuja mucharu cho, 30 uziphwere kuti uzileki kuwira muchiŵana asani Chiuta waziŵananga pa masu paku. Ungazifumbanga cha vakukwaskana ndi achiuta ŵawu kuti, ‘Kumbi mitundu iyi yaŵasopanga wuli achiuta ŵawu? Nani ndichitengi viyo.’+ 31 Yehova Chiuta waku ungazimuchitiyanga venivi cha, chifukwa yiwu achitiya achiuta ŵawu vinthu vosi vaukazuzi vo Yehova watinkha, yiwu atotcha ŵana ŵawu anthulumi kweniso ŵana ŵawu anthukazi pamotu kuti apereki sembi kwa achiuta ŵawu.+

28 Ahazi+ wenga ndi vyaka 20 pa nyengu yo wangujaliya fumu, ndipu wangulamuliya kwa vyaka 16 ku Yerusalemu. Iyu wanguchita cha cho ntchakwenere pa masu paku Yehova, nge mo Davidi mpapi ŵaki wakali wanguchitiya.+

3 Ndipuso wangupereka sembi za josi mu Dambu la Mwana waku Hinomu* kweniso wangotcha ŵana ŵaki anthulumi pamotu,+ mwakulondo midawuku yaukazuzi ya ŵanthu amitundu+ yo Yehova wanguyidikisa pa masu pa Ayisirayeli.