• Ezekiyeli 25:12, 13
    Bayibolu la Charu Chifya la Malemba Ngakupaturika

    • 12 “Yehova, Ambuya Fumu Yikulu wakamba kuti: ‘Edomu waweze nduzga pa nyumba yaku Yuda ndipu we ndi mulandu ukulu chifukwa cha kuŵaweze nduzga;+ 13 mwaviyo, Yehova, Ambuya Fumu Yikulu wakamba kuti: “Edomu ndazakumutambasuliya janja langu ndipu ndazamubaya ŵanthu ndi viŵetu, kweniso ndazakumusambusa mahami.+ Yiwu azamubayika ndi lipanga+ kwambiya ku Temani mpaka ku Dedani.

  • Amosi 1:11
    Bayibolu la Charu Chifya la Malemba Ngakupaturika

    • 11 Yehova wakamba kuti,

      ‘Chifukwa cha maubudi ngatatu nga Edomu,+ kweniso nganayi, ndazamusintha cha chilangu chaki,

      Pakuti iyu wanguskera mubali waki ndi lipanga,+

      Kweniso chifukwa chakuti wangukana kumulongo lisungu;

      Iyu walutirizga kuŵapaluwa kwambula kulekeza chifukwa cha ukali waki,

      Ndipuso waleka cha kuŵakwiyiya.+

  • Obadiya 1
    Bayibolu la Charu Chifya la Malemba Ngakupaturika

    • 1 Chiwona chaku Obadiya:*

      Yehova, Ambuya Fumu Yikulu, wakamba vakukwaskana ndi Edomu kuti:+

      “Tavwa uthenga wakutuliya kwaku Yehova,

      Nthumi yatumika pakati pa mitundu ya ŵanthu kuti yikakambi kuti:

      ‘Yukani, tiyeni tinozgeke kuti tikachiti nkhondu ndi Edomu.’”+

  • Malaki 1:4
    Bayibolu la Charu Chifya la Malemba Ngakupaturika

    • 4 “Chinanga kuti Edomu wakamba kuti, ‘Tavikitika kweni tiwengeku ndipu tamuzenga so mahami,’ Yehova wa mizinda ndiyu wakamba, ‘Azamuzenga kweni ini ndazamuwisiya pasi, ndipu yiwu azamudanika kuti “chigaŵa cha uheni” kweniso “ŵanthu wo Yehova waŵakana kwamuyaya.”+