30 Chapataliku ndi yiwu penga mskambu wa nkhumba zinandi wo waryanga.+ 31 Sonu viŵanda vingwamba kuŵeyere Yesu kuti: “Asani mutituzgengi, mutitumizi mu nkhumba ziya.”+ 32 Iyu wanguvikambiya kuti: “Lutani!” Mwaviyo, vingutuwamu mu ŵanthu wo ndi kuchisere mu nkhumba, ndipu mskambu wosi wa nkhumba ungugodoboke kuchinkhwawu* mpaka munyanja ndipu zingufwiya mumaji. 33 Kweni aliska a nkhumba zo, anguthaŵa ndi kuluta mutawuni ndipu anguchikamba vosi vo vinguchitika kusazgapu vo vinguchitikiya ŵanthu wo ŵenga ndi viŵanda.

32 Sonu mskambu ukulu wa nkhumba+ waryanga paphiri, ndipu vingumuŵeyere kuti wavizomerezi kusere mu nkhumba zo ndipu Yesu wanguvizomereza.+ 33 Pavuli paki, viŵanda vo vingutuwa mu munthu yo, vingusere mu nkhumba ndipu mskambu wosi ungugodoboke kuchinkhwawu* mpaka munyanja ndipu zingubira. 34 Kweni aliska a nkhumba zo ŵati awona vo vinguchitika, anguthaŵa ndi kuchikamba mutawuni kweniso mumizi.