41 Sonu Afarisi ŵati awungana, Yesu wanguŵafumba kuti:+ 42 “Kumbi muŵanaŵana kuti Khristu ndiyani? Kumbi ndi mwana waku yani?” Yiwu angumumuka kuti: “Ndi mwana waku Davidi.”+ 43 Iyu wanguŵafumba kuti: “Nanga ntchifukwa wuli, Davidi mwakulongozgeka ndi mzimu+ wangumudana kuti Ambuya po wanguti, 44 ‘Yehova* wangukambiya Ambuya kuti: “Ja kujanja langu lamaryi mpaka po ndaŵikiya arwani ŵaku kusi kwa maphazi ngaku”’?+ 45 Sonu asani Davidi watimudana kuti Ambuya, nanga waŵa wuli mwana waki?”+ 46 Pengavi yo wangwesa kumumuka ndipu kutuliya pa zuŵa lenili, pengavi yo wangulutirizga kumufumbiya dala mafumbu.

35 Kweni Yesu wachilutirizga kusambiza munyumba yakusopiyamu, wangufumba kuti: “Ntchifukwa wuli alembi akamba kuti Khristu ndi mwana waku Davidi?+ 36 Mwakulongozgeka ndi mzimu wakupaturika,+ iyu mweneku Davidi wangukamba kuti, ‘Yehova* wangukambiya Ambuya kuti: “Ja kujanja langu lamaryi mpaka po ndaŵikiya arwani ŵaku kusi kwa maphazi ngaku.”’+ 37 Sonu asani iyu mweneku Davidi watimudana kuti Ambuya, nanga waŵa wuli mwana waki?”+

Ndipu chigulu cha ŵanthu chavwisiyanga mwalikondwa vo Yesu wakambanga.