7 Mungelu wakwamba wangumba mbata yaki. Kwenga matalala ndi motu vakusazgana ndi ndopa ndipu vinguponyeka pacharu chapasi.+ Chimoza mwa vigaŵa vitatu va charu chapasi chinguwotcheka, chimoza mwa vigaŵa vitatu va vimiti chinguwotcheka, ndipuso vakume vosi vakubiriŵira vinguwotcheka.+

8 Mungelu wachiŵi wangumba mbata yaki. Ndipu chinthu chinyaki chikulu cha nge phiri likulu lakukole motu, chinguponyeka munyanja.+ Chimoza mwa vigaŵa vitatu va nyanja chingusambuka ndopa;+

10 Mungelu wachitatu wangumba mbata yaki. Ndipu nyenyezi yikulu yakukole nge nyali, yingumbotoka kutuliya kuchanya, yinguwa pa chimoza mwa vigaŵa vitatu va misinji ndipuso pa akasupi a maji.+

12 Mungelu wachinayi wangumba mbata yaki. Chimoza mwa vigaŵa vitatu va lumwi, chimoza mwa vigaŵa vitatu va mwezi ndipuso chimoza mwa vigaŵa vitatu va nyenyezi, vingupumika,+ kuti chimoza mwa vigaŵa vawu vitatu chichiti mdima+ ndipuso kuti chimoza mwa vigaŵa vitatu va msana chileki kulonde ukweru, usiku nawu so viyo.

9 Mungelu wachinkhondi wangumba mbata yaki.+ Ndinguwona nyenyezi yo yingumbotoke pacharu chapasi kutuwa kuchanya, ndipu yingupaskika* ki wa pakhomu la chizenji.+

13 Mungelu wa 6+ wangumba mbata yaki.+ Ndipu ndinguvwa mazu ngamoza kutuliya mumasengwi nga guŵa la sembi lagolidi,+ lo lenga panthazi paku Chiuta.

15 Mungelu wa 7 wangumba mbata yaki.+ Kuchanya kunguvwika mazu ngakudaniriza kuti: “Ufumu wa charu chapasi waŵa Ufumu wa Ambuyafwi+ ndipuso waku Khristu wawu,+ ndipu yiwu azamulamuliya nge fumu muyaya mpaka muyaya.”+