NAHUMU
1 Uwu mbuthenga wacheruzgu wakukwaskana ndi Nineve:+ Buku la chiwona chaku Nahumu* wa ku Elikoshi:
2 Yehova ndi Chiuta yo wakhumba kuti ŵanthu ajiperekengi kwaku iyu pe+ ndipuso waweze nduzga;
Yehova waweze nduzga ndipuso ngwakunozgeka kulongo ukali waki.+
Yehova waweze nduzga arwani ŵaki,
Ndipu wasungiya arwani ŵaki ukali.
3 Yehova wakwiya liŵi cha+ ndipu we ndi nthazi zikulu,+
Kweni Yehova walekengi cha kulanga ŵanthu wo ananga.+
Nthowa yaki ye mumphepu yakusakaza kweniso muchimphunga,
Ndipu mitambu, ndi fuvu la kumaphazi ngaki.+
Bashani ndi Karimeli afota,+
Ndipuso maluŵa nga ku Lebanoni ngafota.
5 Mapiri ngasukunyika chifukwa chaku iyu,
Ndipu mitunthu yisongonoka.+
Pacharu chapasi pazamukuŵa chimtimbaheka chifukwa cha chisku chaki,
Limoza ndi charu kweniso wosi wo aja mwenimo.+
6 Ndiyani yo wangama pa masu paki asani wakwiya?+
Ndipu ndiyani yo wangazizipizga ukali waki ukulu?+
Iyu wazamupunguwa ukali waki nge motu,
Ndipu majalawi ngazamusweka chifukwa chaku iyu.
7 Yehova ngwamampha,+ iyu ndi malu ngakuvikilirika mu zuŵa la suzgu.+
Waphwere* wo athaŵiya kwaku iyu.+
8 Wazamunangiya limu malu ngaki* ndi maji ngakusapaliya ngo ngapeya,
Ndipu mdima wazamuskera arwani ŵaki.
9 Kumbi mumunozgiyengi chiŵembu wuli Yehova?
Iyu wakunangiyeningi limu.
Wakunangeningi so kachiŵi cha.+
10 Pakuti yiwu alukika nge minga,
Ndipuso ŵe nge ŵanthu wo aloŵe ndi moŵa;*
Kweni azamupiriya nge mapesi ngakumira.
11 Mwaku yiwi mwazamutuwa munthu yo wanozge chiŵembu Yehova,
Yo wapereka ulongozgi wabwekabweka.
12 Yehova wakamba kuti:
“Chinanga kuti ŵe ndi nthazi ukongwa kweniso mbanandi,
Azamudumulika ndipu azamukufwa.*
Ndakusuzga,* kweni ndazakukusuzga so cha.
13 Ndazamufyo goli laki lo le paku yiwi,+
Ndipu ndazamudumuwa paŵi vingwi vaku.
14 Yehova walamula vakukwaskana ndi yiwi* kuti,
‘Zina laku lazamulutiriya cha.
Ndazamunanga vikozgu vakusema ndipuso vikozgu vachisulu* munyumba* ya achiuta ŵaku.
Ndazakukukumbiya dindi, chifukwa chakuti ndiwi wabwekabweka.’
15 Awona! Pachanya pa mapiri patenda munthu yo watuza ndi uthenga wamampha,
Yo wapharazga chimangu.+
Yiwi Yuda, chita maphwandu ngaku,+ fiska vo walayizga,
Pakuti munthu wabwekabweka wazamujumpha so cha mwaku yiwi.
Iyu wazamumaliya limu.”
2 Yo wambininiska waza kuti walimbani nawi.*+
Vikiliya mipanda yakukho.
Ŵika alonda mumsewu.
Vwalani zikho* ndipu wunjikani nthazi zinu zosi.
2 Pakuti Yehova wazamuweziyapu unkhankhu waku Yakobe,
Kweniso unkhankhu waku Isirayeli,
Pakuti akusakaza aŵasakaza;+
Ndipu ananga mphukira zawu.
3 Vishangu va vinkhara vaki vakudayika ndi dayi muyera,
Asilikali ŵaki avwala vakuvwala viyera.
Mu zuŵa lo wanozgeke nkhondu,
Visulu va magaleta ngaki ngankhondu ving’anima nge motu,
Ndipu mikondu ya vimiti va junipa yasoskeka muchanya.
4 Magaleta ngankhondu ngatchimbiya mumisewu.
Ngakwera ndi kusika mumabalaza nga tawuni.
Ngaŵala nge malimbuni nga motu kweniso ngang’anima nge limphezi.
5 Iyu wadana asilikali ŵaki anthazi.
Yiwu aguŵa achiluta.
Atchimbiriya kumpanda waki;
Azenga chakuvikiliya.
6 Mageti nga misinji ngazamujulika,
Ndipu nyumba yachifumu yazamubwangandulika.*
7 Vasimikizika: Tawuni yaŵikika pakweru,
Ŵanthu a mutawuni yo atoleke kutali, ndipu akapolu ŵawu aliya;
Yiwu aliya nge njiŵa uku apuma pavifuŵa vawu.*
8 Nineve+ wenga nge damu la maji mu mazuŵa ngaki ngosi,
Kweni sonu ŵanthu ŵaki athaŵa.
“Mani! Mani!”
Kweni palivi yo wang’anamuka.+
9 Phangani siliva, phangani golidi!
Mwe chuma chinandi ukongwa.
Mwasungika vinthu vakuzirwa vakupambanapambana.
10 Mutawuni yo mulivi chechosi, yasambuka mahami, yabwangandulika!+
Mitima yawu yasongonoka chifukwa cha mantha, makongonu ngawu ngabwanyana, viwunu vawu vinjekeme;
Visku vawu vosi vabwanthuka.
11 Ye pani mphanji ya nkharamu,+ ko nkharamu zimanazimana ziryiya,
Ko nkharamu yituwa ndi mwana waki,
Kwambula weyosi wakuziwofya?
12 Nkharamu yingupaluwa nyama yakukwana kuti ŵana ŵaki aryi
Ndipu yingubayiya nyama nkharamu zaki zinthukazi.
Yazazanga nyama yinandi mumphanji zaki,
Yazazanga mphanji zaki ndi nyama zakupalurika.
13 “Awona! Ndilimbanengi nawi,” Yehova wa mizinda ndiyu wakamba,+
“Ndazamupiriza magaleta ngaki ngankhondu,+
Ndipu lipanga lazamubaya nkharamu zaku zimanazimana.*
Ndazamuchitiska kuti uleki kuko nyama pacharu chapasi,
Ndipu chiwawa cha mathenga ngaku chazamuvwika so cha.”+
3 Soka tawuni yakubaya ŵanthu!
Tawuni yakuzaza ndi chinyengu kweniso unkhungu.
Nyengu zosi yiphanga vinthu va ŵanthu!
2 Kuvwika chiwawa cha likhwechu kweniso chiwawa cha vingelengeli,
Mdinu wa mahachi kweniso chiwawa cha magaleta.
3 Kwe asilikali akukwera pamahachi, lipanga lakung’anima, kweniso mkondu wakung’anima,
Ŵanthu anandi akubayika kweniso ndundu ya mathupi,
Mathupi nganandi ukongwa.
Ŵanthu aguŵa mumathupi.
4 Ve viyo chifukwa cha ntchitu zaki zinandi za uhuli,
Iyu ngwakutowa kweniso ngwakukopa, ndi munthukazi wamasenga,
Yo wanyenga mitundu ya ŵanthu ndi uhuli waki kweniso wanyenga mabanja ndi masenga ngaki.
5 Yehova wa mizinda wakamba kuti: “Awona! Ndilimbanengi nawi,*+
Ndivunuwengi laya laku ndi kukubenekere nalu kumasu;
Ndichitiskengi mitundu kuti yikuwoni we nkhuli,
Ndipuso kuti maufumu ngawoni vinthu vaku vakuchitiska soni.
6 Ndipu ndazakukuponye vinthu vaukazuzi
Ndazamuchitiska kuti uyuyuliki;
Ndazamuchitiska kuti ŵanthu akuseki.+
7 Weyosi yo wakuwona wazakukuthaŵa+ ndipu wazamukamba kuti,
‘Nineve wabwangandulika!
Ndiyani yo wamuchitiyengi chitima?’
Ndi nunkhu ko ndamusaniya ŵanthu akuti akupembuzgi?
8 Kumbi ndiwi wamampha kuluska No-amoni,*+ yo wanguja pafupi ndi Migelu ya Nayelu?+
Maji ngangumuzingiliza;
Chuma chaki wachisaniyanga munyanja ndipuso nyanja yenga mpanda waki.
9 Nthazi zaki zambula kumala zatuliyanga ku Ifiyopiya kweniso ku Ijipiti,
Puti+ kweniso ŵanthu a ku Libiya ndiwu akuwovyanga.+
10 Kweni No-amoni nayu wanguŵa kapolu;
Wangutoleke ku ukapolu.+
Ŵana ŵaki nawu anguŵavikitiya pakona lelosi la msewu.*
Ŵanthu anguchita mayeri pa ŵanthu ŵaki akutumbikika,
Ndipu ŵanthu ŵaki wosi akuzirwa amangika ndi simbi.
11 Kweniso wazamuloŵe;+
Wazamuluta kuchibisama.
Wazamupenja malu ngakubisamaku kuti uvikiliriki ku murwani.
12 Mipanda yaku yosi yakukho ye nge vimiti va mkuyu vo ve ndi vipasu vakwamba kucha;
Asani vimiti vo vasukunyisika, vipasu vaki vazamumbotoke mumulomu mwa ŵanthu wo azakuvirya.
13 Awona! Asilikali ŵaku ŵe nge anthukazi pakati paku.
Mageti nga charu chaku ngazamukuŵa mwazi kuti arwani ŵaku aseleriyepu.
Motu wazamupiriza akabali a mageti ngaku.
14 Neŵa maji kuti unozgeke kuzingilizika!+
Kholesa mipanda yaku yakukho.
Sere mumathipa ndi kukanda dongu;
Kolesa chikomboli cha vidina.
15 Kweniko naku motu wazakukupiriza.
Lipanga lazakukudumuwa.+
Lipanga lazakukusakaza nge mo azombi amanaamana achitiya!+
Jiyandanisi nge azombi amanaamana!
Hinya, jiyandanisi nge azombi!
16 Wayandanisa amalonda ŵaku ndipu mbanandi kuluska nyenyezi zakuchanya.
Azombi amanaamana afunduliya ndi kuphululukiya kutali.
17 Alonda ŵaku ŵe nge azombi,
Ndipu asilikali ŵaku anthazi ŵe nge chigulu cha azombi.
Yiwu aja mumipanda ya mya pa zuŵa lakuzizira,
Kweni asani lumwi laŵala aphululukiya kutali;
Ndipu palivi yo waziŵa ko ŵali.
18 Aliska ŵaku agompho, yiwi fumu ya charu cha Asiriya;
Ŵanthu ŵaku akuzirwa aja munyumba zawu.
Ŵanthu ŵaku ambininikiya mumapiri,
Ndipu palivi yo watiŵawunganisa pamoza.+
19 Upumuzgikengi cha ku soka laku.
Chilonda chaku chingapo cha.
Ŵanthu wosi wo avwengi vakukwaskana ndi yiwi azamukumba manja;+
Pakuti ndiyani yo wasuzgika cha chifukwa cha nkhaza zaku zambula kulekeza?”+
Kung’anamuwa kuti, “Wakupembuzga.”
Mazu ngaki chayingu, “Waziŵa.”
Kung’anamuwa malu ngaku Nineve.
Pamwenga kuti, “moŵa wa tirigu.”
Yapa pangafwatulikiya so kuti, “ndipu wazamujumphamu.”
Kung’anamuwa Yuda.
Kung’anamuwa charu cha Asiriya.
Pamwenga kuti, “vachisulu chakusongono.”
Pamwenga kuti, “nyumba yakusopiyamu.”
Kung’anamuwa Nineve.
Mazu ngaki chayingu, “Kholesani viwunu.”
Pamwenga kuti, “yazamukuwa.”
Mazu ngaki chayingu, “pamitima yawu.”
Pamwenga kuti, “nkharamu zimanazimana zanthazi.”
Kung’anamuwa Nineve.
Kung’anamuwa Tebesi.
Mazu ngaki chayingu, “pamutu wa misewu yosi.”