FUMBU 6
Kumbi ndi vinthu nivi vo Bayibolu lingukambiya limu vakukwaskana ndi Mesiya?
UCHIMI
“Yiwi Betelehemu Efurata, . . . mwaku yiwi mwazamutuwa wakulamuliya yo wazamuchita khumbu langu mu Isirayeli.”
KUFISKIKA
“Yesu wati wawaku ku Betelehemu wa ku Yudeya mu nyengu ya Fumu Herodi, awonani! akusanda nyenyezi akutuliya Kuvuma anguza ku Yerusalemu.”
UCHIMI
“Yiwu agaŵana malaya ngangu, ndipu chakuvwala changu achichitiya mayeri.”
KUFISKIKA
“Sonu asilikali ŵati akhoma Yesu pachimiti, anguto malaya ngaki ngakubwalu ndipu angungagaŵa panayi . . . Kweni laya laki lamukati lengavi musonu chifukwa lingulukika kutuwa pachanya mpaka pasi. Sonu angukambiskana kuti: ‘Tingalipaluwanga cha, kweni tiyeni tichiti mayeri kuti tisaniyi yo liŵengi laki.’”
UCHIMI
“Iyu wavikiliya viwanga vaki vosi; palivi chinanga ntchimoza cho chafyoka.”
KUFISKIKA
“Kweni ŵati aza kwaku Yesu angusaniya kuti wafwa kali ndipu angufyo cha malundi ngaki.”
UCHIMI
“Kweni wangugwazika chifukwa cha mphulupulu zidu.”
KUFISKIKA
“Yumoza mwa asilikali, wangumugwaza ndi mkondu mumbaŵala ndipu nyengu yeniyo mungutuwa ndopa ndi maji.”
UCHIMI
“Angundipaska malipiru ngangu, ndalama 30 zasiliva.”
KUFISKIKA
“Pavuli paki, yumoza wa akusambira 12, yo waziŵikanga kuti Yudasi Isikariyoti, wanguluta kwa ŵara ŵa asembi, ndipu wangukamba kuti: ‘Mundipaskengenji asani ndamupereka kwaku yimwi?’ Angupangana nayu kuti amupaskengi ndalama 30 zasiliva.”