FUMBU 16
Kumbi mungachita wuli kuti mulekengi kufipa mtima?
“Muponye Yehova mphingu yaku, ndipu iyu wakuwovyengi. Iyu wazomerezengi cha kuti murunji wawi.”
“Vinthu vo munthu waphamphu waŵanaŵana vichitiska kuti vinthu viyendi umampha, kweni wosi wo achita vinthu mwakupupuluma akavukengi.”
“Ungawopanga cha, pakuti nde nawi. Ungafipanga mtima cha, pakuti ndini Chiuta waku. Ndikukholesengi, ndikuwovyengi, ndikukongi ndi janja langu lamaryi la urunji.”
“Kumbi ndiyani waku yimwi yo wangasazgiyaku utali wa umoyu waki chinanga nkhamanavi chifukwa cha kufipa mtima?”
“Sonu lekani kufipiya mtima va mawa, chifukwa la mawa le ndi vakufipiska mtima vaki. Zuŵa lelosi le ndi masuzgu ngaki.”
“Musimikizi kuti vinthu vakukhumbika ukongwa ndi nivi.”
“Mungafipanga mtima ndi chinthu chechosi cha, kweni pa chinthu chechosi, mwa pempheru ndi kuŵeyere limoza ndi kuwonga, vo mupempha viziŵiki kwaku Chiuta; ndipu chimangu chaku Chiuta cho chiluska kuziŵa vinthu kosi, chivikiliyengi mitima yinu ndi maŵanaŵanu nginu kuporote mwaku Khristu Yesu.”