Mazu Ngakumaliya

Kumbi mukumbuka vinthu vakukondwesa vo mwachitiyanga limoza ndi ŵanthu aku Yehova, nge unganu wa mpingu wo ungukuchiskani, unganu wachigaŵa wo ungukukondwesani, vinthu vakukondwesa vo vingukuchitikiyani mu uteŵeti kweniso kucheza ndi Mkhristu munyinu? Asani mukumbuka vinthu venivi, ndikuti mwamuluwa cha Yehova ndipu nayu wakukuluwani cha. Iyu wakumbuka kuti mwamuteŵetiyanga mwakugomezgeka ndipu wakhumbisiska kukuwovyani kuti muwere kwaku iyu.

Yehova wakamba kuti, ‘Ini ndamweni ndipenjengi mbereri zangu, ndipu ndiziphweriyengi. Ndiphweriyengi mbereri zangu nge mo wachitiya muliska yo wasaniya mbereri zaki zo zingupalanyika ndipu watiziliska. Ndizitaskengi mumalu ngosi ngo zikuparanyikiya.’​—Ezekiele 34:11, 12.