Njuŵi
Kumbi ndi vinthu wuli vo vilongo kuti Yehova wakumupaska njuŵi munthu weyosi?
Wonani so 2 Akori. 4:2
Kumbi ndi vinthu wuli vo vingachitikiya njuŵi asani munthu walutirizga kuchita vinthu viheni?
Wonani so Ahe. 10:22
Kumbi mphakuvwika kugomezga waka kuti chechosi cho tingachita ntchakwenere?
Vakuwoniyapu va mu Bayibolu vo vingakuwovyani:
2 Mbiri 18:1-3; 19:1, 2—Fumu Yehosafati yinguchita vinthu mwambula zeru chifukwa yinguwovya Ahabu fumu yiheni ndipu Yehova wangukwiya nayu ukongwa
Machi. 22:19, 20; 26:9-11—Wakutumika Paulo wawonanga nge kuti wachitanga umampha pakutombozga ndi kubaya akusambira aku Yesu
Kumbi tingayisambiza wuli njuŵi yidu kuti yije yamampha?
Vakuwoniyapu va mu Bayibolu vo vingakuwovyani:
1 Samu. 24:2-7—Njuŵi yamampha yaku Davidi yingumuwovya kuti wachiti vinthu mwaulemu ndi Sauli yo yenga Fumu yakusankhika yaku Yehova
Kumbi vingachitika wuli kuti ŵanthu akubuda aje ndi njuŵi yamampha kwaku Chiuta?
Aefe. 1:7; Ahe. 9:14; 1 Petu. 3:21; 1 Yoha. 1:7, 9; 2:1, 2
Wonani so Chivu. 1:5
Vakuwoniyapu va mu Bayibolu vo vingakuwovyani:
Yesa. 6:1-8—Yehova wangumusimikiziya Yesaya kuti maubudi ngaki ngagowokereka
Chivu. 7:9-14—A mzinda ukulu aja pa ubwezi wakukho ndi Yehova chifukwa chakutoweseka ndi sembi yaku Khristu
Ntchifukwa wuli tikhumbika kuvwiya vo njuŵi yidu yakusambizika Bayibolu yititikambiya?
Machi. 24:15, 16; 1 Timo. 1:5, 6, 19; 1 Petu. 3:16
Wonani so Aro. 13:5
Vakuwoniyapu va mu Bayibolu vo vingakuwovyani:
Gene. 2:25; 3:6-13—Adamu ndi Heva anguyivwiya cha njuŵi yawu ndipu pavuli paki anguchita soni chifukwa chakuleka kuvwiya Chiuta
Nehe. 5:1-13—Nduna Nehemiya yinguchiska Ayuda anyaki kuti aje ndi njuŵi yamampha chifukwa yiwu aryiyanga masuku pamutu anyawu mwakuŵatchaja ndalama zinandi zapachanya