Ulongozgi
Kulonde ulongozgi
Ntchifukwa wuli tikhumbika kuyesesa kupenja ulongozgi wa mu Bayibolu?
Ntchifukwa wuli tikhumbika kuvwiya ulongozgi mumalu mwakusaniya vifukwa vakujigowoke?
Wonani so Nthanthi 1:23-31; 15:31
Vakuwoniyapu va mu Bayibolu vo vingakuwovyani:
1 Samu. 15:3, 9-23—Sauli wangukana ulongozgi wo mchimi Samuyeli wangumupaska ndipu wangusaniya vifukwa vakujigowoke, pavuli paki Yehova wangumukana
2 Mbiri 25:14-16, 27—Fumu Amaziya yati yabuda yingukana ulongozgi wakutuliya ku mchimi waku Yehova ndipu venivi vinguchitiska kuti Yehova waleki kuyiyanja kweniso kuyivikiliya
Ntchifukwa wuli tikhumbika kutumbika ŵara wo atitipaska ulongozgi?
1 Ate. 5:12; 1 Timo. 5:17; Ahe. 13:7, 17
Vakuwoniyapu va mu Bayibolu vo vingakuwovyani:
3 Yoha. 9, 10—Wakutumika Yohane wanguchenya Diyotirefe yo wachitanga vinthu mwambula ulemu ndi ŵanthu wo alongozganga mumpingu wachikhristu
Ntchifukwa wuli tikhumbika kuvwiya ŵanthu arara?
Wonani so Yobu 12:12; 32:7; Tito 2:3-5
Vakuwoniyapu va mu Bayibolu vo vingakuwovyani:
1 Samu. 23:16-18—Fumu Davidi yinguvwiya ulongozgi wo Yonatani wanguyipaska chinanga kuti apambananga vyaka 30 ndipu venivi vingumuchiska ukongwa Davidi
1 Mafu. 12:1-17—Fumu Rehobowamu yingukana ulongozgi wamampha wo anthulumi arara anguyipaska, mumalu mwaki yinguvwiya ulongozgi uheni ukongwa wo achinyamata anyaki anguyipaska ndipu venivi vinguyambisa masuzgu ngakulu
Kumbi ndi vinthu wuli vo vilongo kuti anthukazi arara kweniso achinyamata akugomezgeka wo ateŵete Yehova angatipaska ulongozgi wazeru?
Yobu 32:6, 9, 10; Nthanthi 31:1, 10, 26; Waku. 4:13
Wonani so Salimo 119:100
Vakuwoniyapu va mu Bayibolu vo vingakuwovyani:
1 Samu. 25:14-35—Ulongozgi wo Abigelu wangupaska Fumu Davidi ungutaska ma umoyu nga ŵanthu anandi ndipu venivi vinguwovya kuti Davidi waleki kuja ndi mulandu wa ndopa
2 Samu. 20:15-22—Ulongozgi wo munthukazi munyaki wazeru wangupereka ungutaska tawuni yosi ya Abelu
2 Mafu. 5:1-14—Vo kamusungwana kachiyisirayeli kangukambiya mura wa asilikali vinguwovya kuti waziŵi mo wangachiliya ku matenda ngaki nga makhati
Ntchifukwa wuli tikhumbika cha kuvwiya ulongozgi wakutuliya ku ŵanthu wo aleka kutumbika Yehova pamwenga Mazu ngaki?
Wonani so Luka 6:39
Vakuwoniyapu va mu Bayibolu vo vingakuwovyani:
1 Mbiri 10:13, 14—Fumu Sauli yingufwa chifukwa chakuti yinguchifumba ku munthu yo walongolonga ndi mzimu mumalu mwakufumba ulongozgi kwaku Yehova
2 Mbiri 22:2-5, 9—Fumu Ahaziya yingufwa chifukwa chakuvwiya ulongozgi uheni
Yobu 21:7, 14-16—Yobu wangukana kuvwisiya maŵanaŵanu nga ŵanthu wo alekanga kutumbika Yehova
Kupereka ulongozgi
Ntchifukwa wuli tikhumbika kuvwisiya mwakuphwere, kuyivwisa dankha nkhani yosi kweniso kuvwa vigaŵa vosi viŵi techendapereki ulongozgi?
Wonani so Nthanthi 25:8
Vakuwoniyapu va mu Bayibolu vo vingakuwovyani:
1 Samu. 1:9-16—Wasembi Mura Eli wangumupaska ulongozgi Hana chifukwa chakuŵanaŵana kuti panyaki munthukazi wakugomezgeka mwenuyu waloŵe
Mate. 16:21-23—Chifukwa chakuti Peturo wanguziŵa cha uneneska wa nkhani yosi, iyu wanguchenya Yesu ndipu wangumupaska ulongozgi wo wakoliyananga ndi vo Satana wakhumbanga mumalu mwa vo Yehova wakhumbanga
Ntchifukwa wuli tikhumbika kupemphera dankha kwaku Yehova techendapereki ulongozgi?
Salimo 32:8; 73:23, 24; Nthanthi 3:5, 6
Vakuwoniyapu va mu Bayibolu vo vingakuwovyani:
Eki. 3:13-18—Mchimi Mozesi wangupempha Yehova kuti wamuwovyi kuziŵa mo wangamalisiya masuzgu nga Ayisirayeli
1 Mafu. 3:5-12—Fumu yachinyamata Solomoni yingupempha zeru kwaku Yehova mumalu mwakujithemba ndipu venivi vinguchitiska kuti Yehova wayitumbiki ukongwa
Ntchifukwa wuli ulongozgi wo tingapereka utenere kutuwa mu Mazu ngaku Chiuta nyengu zosi?
Salimo 119:24, 105; Nthanthi 19:21; 2 Timo. 3:16, 17
Wonani so Doto. 17:18-20
Vakuwoniyapu va mu Bayibolu vo vingakuwovyani:
Mate. 4:1-11—Pa nyengu yo wayesekanga ndi Satana, Yesu wangumumuka mwakugwiriskiya ntchitu Mazu ngaku Chiuta mumalu mwakuthemba zeru zaki
Yoha. 12:49, 50—Yesu wakutilongo chakuwoniyapu chamampha ukongwa chifukwa iyu wangukamba kuti vosi vo wasambizanga venga vakutuliya kwa Awisi
Ntchifukwa wuli tikhumbika kuzikira asani tipereka ulongozgi kweniso kumuwonga munthu pa vinthu vo wachita umampha?
Wonani so Yesa. 9:6; 42:1-3; Mate. 11:28, 29
Vakuwoniyapu va mu Bayibolu vo vingakuwovyani:
2 Mbiri 19:2, 3—Mchimi waku Yehova wangukambiya Fumu Yehosafati vo yingunangisa ndipu pavuli paki wanguyiwonga pa vinthu vamampha vo yinguchita
Chivu. 2:1-4, 8, 9, 12-14, 18-20—Yesu wanguyiwonga dankha mipingu yinandi wechendayipaski ulongozgi
Asani mubali wadandawula kuti mubali munyaki wamuchitiya chinyengu pamwenga wakamba boza lakumunangiya mbiri, ntchifukwa wuli tikhumbika kumuchiska kuti wakakambiskani nayu pakuyija?
Wonani so Levi. 19:17
Kumbi tingamuchiska wuli Mkhristu munyidu kuti waje ndi mtima walisungu, wakuzikira kweniso kumugowoke munthu yo wamunangiya?
Mate. 18:21, 22; Mariko 11:25; Luka 6:36; Aefe. 4:32; Ako. 3:13
Wonani so Mate. 6:14; 1 Akori. 6:1-8; 1 Petu. 3:8, 9
Vakuwoniyapu va mu Bayibolu vo vingakuwovyani:
Mate. 18:23-35—Yesu wangukamba ntharika yakukhumbika ukongwa yo yilongo chifukwa chikulu cho tikhumbikiya kugowoke anyinu
Ntchifukwa wuli tikhumbika kuja ndi chiganga kweniso kulondo fundu zaku Yehova asani tipereka ulongozgi?
Salimo 141:5; Nthanthi 17:10; 2 Akori. 7:8-11
Vakuwoniyapu va mu Bayibolu vo vingakuwovyani:
1 Samu. 15:23-29—Mchimi Samuyeli wanguchita mantha cha kuyipaska ulongozgi Fumu Sauli
1 Mafu. 22:19-28—Mchimi Mikaya wangulutirizga kuyikambiya uthenga wakutcheŵeska Fumu Ahabu, chinanga kuti yamuwofyezanga ndi kumuchitiya vinthu vankhaza
Kumbi tingamupaska wuli ulongozgi munyidu kwambula kumuguŵiska?
Vakuwoniyapu va mu Bayibolu vo vingakuwovyani:
Luka 22:31-34—Chinanga kuti Peturo wanangisanga vinthu vinandi kweni Yesu wagomezganga kuti wangasintha ndipu wangawovya so ŵanthu anyaki
Fili. 21—Wakutumika Paulo wenga ndi chigomezgu kuti Filimoni wavwiyengi ulongozgi wo wangumupaska wo wakoliyananga ndi khumbu laku Chiuta
Kumbi tingalongo wuli lisungu asani tipereka ulongozgi ku ŵanthu wo asuzgika maŵanaŵanu?
Kumbi tingalongo wuli kuti tikhumba kumuwovya munthu yo wabuda kuti wawere so paubwezi ndi Yehova?
Kumbi tingaŵalongo wuli ulemu ŵanthu wo titiŵapaska ulongozgi mwambula kuphwere kanthu kuti mbanthulumi, anthukazi pamwenga vyaka vawu?
Ntchifukwa wuli ŵara akhumbika kuchita vinthu mwachiganga, ukongwa asani atovya munthu yo wapaskikapu ulongozgi wa mu Malemba mwakuwerezawereza kweni wavwiya cha?
1 Akori. 5:9, 11, 13; 1 Timo. 5:20; Tito 3:10
Wonani so mutu wakuti “Kumika Dankha mu Mpingu Munthu yo Wabuda”