Nthengwa
Kumbi ndiyani yo wakwambisa nthengwa?
Kumbi Mkhristu watenere kutolana ndi munthu wamtundu wuli?
Ntchifukwa wuli mpapi wachikhristu wakhumbika cha kuzomereza kuti mwana waki yo wakubatizika watolani ndi munthu yo wechendajipereki kwaku Yehova kweniso kubatizika?
1 Akori. 7:39; 2 Akori. 6:14, 15
Vakuwoniyapu va mu Bayibolu vo vingakuwovyani:
Gene. 24:1-4, 7—Abrahamu wangukana kuti mwana waki watolani ndi anthukazi anyaki wo alekanga kusopa Chiuta, mumalu mwaki wangusankha kuti wamusaniriyi munthukazi pakati pa ŵanthu wo asopanga Yehova
Gene. 28:1-4—Isaki wangukambiya mwana waki Yakobe kuti wangatolananga ndi anthukazi a chikanani cha kweni wato munthukazi pakati pa ŵanthu wo asopa Yehova
Kumbi Yehova watiŵawona wuli Akhristu wo atolana ndi ŵanthu wo mbakaboni cha?
Vakuwoniyapu va mu Bayibolu vo vingakuwovyani:
1 Mafu. 11:1-6, 9-11—Yehova wangumukwiyiya ukongwa Solomoni chifukwa chakuleka kuvwiya ulongozgi waki wakutcheŵeska kuti wangatolananga cha ndi anthukazi achilendu, kuchitiya kuti angapatuska mtima waki ndikwamba kusopa achiuta aboza
Nehe. 13:23-27—Nge mo Yehova wachitiya, Nehemiya nayu wanguŵakwiyiya kweniso wanguŵachenya mwanthazi Ayisirayeli wo angutolana ndi anthukazi wo alekanga kusopa Chiuta
Ntchifukwa wuli Mkhristu watenere kutolana ndi munthu yo wateŵete Yehova mwakugomezgeka kweniso yo we ndi mbiri yamampha?
Wonani so Aefe. 5:28-31, 33
Vakuwoniyapu va mu Bayibolu vo vingakuwovyani:
1 Samu. 25:2, 3, 14-17—Nabala wenga munthulumi wakukhupuka kweni iyu wenga mukali kweniso wankharu yabwekabweka, ndichu chifukwa chaki Abigelu wamuwonanga kuti ndi munthulumi muheni
Nthanthi 21:9—Kusankha uheni munthu wakutolana nayu kungachitiska kuti tileki kukondwa kweniso tiŵevi chimangu
Aro. 7:2—Wakutumika Paulo wangukonkhoska kuti munthukazi yo wayirwa ngwakumangika pamwenga kuti wepasi pa udindu wa mulumu waki yo ngwambula kufikapu. Mwaviyo, munthukazi wazeru watenere kuphwere pakusankha munthu wakutorana nayu
Kunozgeke nthengwa
Ntchifukwa wuli munthulumi watenere kusimikiza kuti wakumuphwere nadi muwolu waki ndi ŵana wechendayambi kuŵanaŵana za kuto?
Vakuwoniyapu va mu Bayibolu vo vingakuwovyani:
Nthanthi 24:27—Munthulumi wechendato kweniso wechendaje ndi ŵana wakhumbika kugwira ntchitu mwaphamphu kuti wanozgeke kuphwere banja laki
Ntchifukwa wuli ŵanthu wo ŵe pachibwezi akhumbika kupenja ulongozgi wo ungaŵawovya ndipuso kuziŵana umampha mumalu mwakukopeka waka ndi kawonekeru kakubwalu?
Nthanthi 13:10; 1 Petu. 3:3-6
Vakuwoniyapu va mu Bayibolu vo vingakuwovyani:
Ruti 2:4-7, 10-12—Bowazi wangumuziŵa umampha Ruti wati wawona mo wagwiriyanga ntchitu, mo wachitiyanga vinthu ndi Nawomi, wati wafufuza ku ŵanthu akugomezgeka kweniso wati wawona mo wayanjiyanga Yehova
Ruti 2:8, 9, 20—Ruti nayu wanguwona kuti Bowazi nayu wenga waulemu, wakupaska kweniso wakwanja Yehova
Ntchifukwa wuli Yehova wakhumba kuti ŵanthu wo ŵepa chibwezi achitengi vinthu mwakuphwere kuti aleki kuchita ureŵi?
Aga. 5:19; Ako. 3:5; 1 Ate. 4:4
Vakuwoniyapu va mu Bayibolu vo vingakuwovyani:
Nthanthi 5:18, 19—Nthowa zinyaki zakulongoriyana chanju zakuzomerezeka ku ŵanthu wo akutorana pe
Sumu ya. 1:2; 2:6—Pa nyengu yo mliska ndi Mshulamu ŵenga pachibwezi akugwiriskiyapu cha ntchitu mazu ngaheni nga vakugonana. Yiwu agwiriskiyanga ntchitu mazu ngamampha ngakulongorana chanju
Sumu ya. 4:12; 8:8-10—Mshulamu wanguchitaku cha mijalidu yabwekabweka yakugonana, iyu wangujiko ndipu wenga nge munda wo we mumpanda
Ntchifukwa wuli ŵanthu akhumbika kulondo marangu nga boma asani akhumba kutolana?
Udindu wo anthulumi akuto ŵenawu
Kumbi Yehova wakuŵapaska udindu wakukhumbika nuwu anthulumi akuto?
Kumbi Mkhristu yo ndi mutu wabanja watenere kuyezga chakuwoniyapu chaku yani?
Ntchifukwa wuli munthulumi wakuto wakhumbika kulongo kuti watimuyanja muwolu waki, wavwisa vo wakhumba kweniso mo wavwiya?
Vakuwoniyapu va mu Bayibolu vo vingakuwovyani:
Gene. 21:8-12—Yehova wangukambiya Abrahamu kuti wavwiyi ulongozgi wa muwolu waki Sara chinanga kuti wakoliyananga nawu cha
Nthanthi 31:10, 11, 16, 28—Munthulumi wazeru yo we ndi munthukazi wamampha wajaliya waka kuwona vo munthukazi waki wanangisa cha. Mumalu mwaki, iyu watimugomezga kweniso watimuwonga
Aefe. 5:33—Wakutumika Paulo wangukamba kuti munthukazi wakhumbika kuziŵa kuti mulumu waki watimuyanja
Udindu wo anthukazi akuyirwa ŵenawu
Kumbi Yehova wakupereka udindu wakukhumbika ukongwa nuwu kwa anthukazi akuyirwa?
Kumbi udindu wo munthukazi wenawu mubanja ngwambula kukhumbika?
Vakuwoniyapu va mu Bayibolu vo vingakuwovyani:
Nthanthi 1:8; 1 Akori. 7:4—Chiuta wakupereka udindu ku anthukazi akuyirwa munthengwa
1 Akori. 11:3—Wakutumika Paulo wangukonkhoska kuti munthu weyosi wepasi pa ulamuliru wa munthu munyaki kupatuwaku Chiuta yija Wanthazizosi
Ahe. 13:7, 17—Mumpingu wachikhristu, abali ndi azichi akhumbika kuvwiya kweniso kukoliyana ndi abali wo alongozga
Kumbi anthukazi achikhristu wo akutolana ndi munthu yo ndi kaboni cha angachita wuli kuti akondwesi Yehova?
Ntchifukwa wuli anthukazi achikhristu akhumbika kulutirizga kutumbika alumu ŵawu?
Vakuwoniyapu va mu Bayibolu vo vingakuwovyani:
Gene. 18:12; 1 Petu. 3:5, 6—Sara wamutumbikanga ukongwa mulumu waki Abrahamu ndipu wamudananga kuti “ambuya”
Kumbi ndi munthukazi nuyu yo Bayibolu litimutumbika?
Vakuwoniyapu va mu Bayibolu vo vingakuwovyani:
Gene. 24:62-67—Anyina aku Isaki ŵati atayika, muwolu waki Rabeka wangumupembuzga
1 Samu. 25:14-24, 32-38—Vo Abigelu wanguchita pakupempha Davidi mwakujiyuyuwa kuti waŵachitiyi lisungu, vinguvikiliya mulumu waki Nabala yo wenga muzereza kweniso a munyumba yaki wosi
Esite. 4:6-17; 5:1-8; 7:1-6; 8:3-6—Pakukhumba kuvikiliya ŵanthu aku Chiuta, Fumukazi Esiteri yinguŵika umoyu waki pangozi ndi kuluta kuchikumana ndi mulumu waki yo wenga fumu chinanga kuti yingudanika cha
Mo tingamalisiya masuzgu munthengwa
Kumbi ndi fundu nizi zo zingawovya ŵanthu akutolana kuti amalani ndi masuzgu ngo akumana nangu munthengwa?
Kumbi ndi fundu nizi zo zingawovya ŵanthu akutolana kuti awonengi ndalama mwakwenere?
Luka 12:15; Afi. 4:5; 1 Timo. 6:9, 10; Ahe. 13:5
Wonani so mutu wakuti “Ndalama”