Kuvwiya
Ntchifukwa wuli tikhumbika kuvwiya?
Eki. 19:5; Doto. 10:12, 13; Waku. 12:13; Yako. 1:22
Vakuwoniyapu va mu Bayibolu vo vingakuwovyani:
1 Samu. 15:17-23—Mchimi Samuyeli wanguchenya Fumu Sauli chifukwa chakuleka kuvwiya Yehova, pavuli paki Samuyeli wangukonkhoska kukhumbika kwakuvwiya
Ahe. 5:7-10—Chinanga kuti Yesu Mwana waku Chiuta waja wakufikapu kwa umoyu waki wosi kweni wangulutirizga kuvwiya chinanga kuti ŵanthu amuchitiyanga vinthu vankhaza pacharu chapasi
Kumbi Mkhristu watenere kuchitanji asani akulamuliya a charu atimukambiya kuti wachiti vinthu vo Chiuta wakana?
Vakuwoniyapu va mu Bayibolu vo vingakuwovyani:
Dani. 3:13-18—Chinanga kuti umoyu wawu wenga pangozi, Aheberi atatu akugomezgeka angukana kugwadiya chikozgu cho Fumu Nebukadinezara yingumika
Mate. 22:15-22—Yesu wangukonkhoska kuti akusambira ŵaki atenere kuvwiya akulamuliya a boma. Kweni akhumbika cha kuŵavwiya asani vo akulamuliya akhumba visuskana ndi vo Yehova Chiuta wakhumba
Machi. 4:18-31—Chinanga kuti akulamuliya anguŵakaniza mwanthazi akutumika kuti aleki kupharazga, kweni akutumika angulutirizga mbwenu kupharazga mwachiganga
Kumbi ndi vinthu wuli vo tikhumbika kuchita asani tikhumba kulutirizga kuvwiya marangu ngaku Yehova?
Doto. 6:1-5; Salimo 112:1; 1 Yoha. 5:2, 3
Wonani so Salimo 119:11, 112; Aro. 6:17
Vakuwoniyapu va mu Bayibolu vo vingakuwovyani:
Ezara 7:7-10—Wasembi wakugomezgeka Ezara wangunozgekeresa mtima waki kuti waje panthazi pa nkhani yakuvwiya marangu ndipuso kusambiza anyaki
Yoha. 14:31—Yesu wangulongo chifukwa cho wavwiyanga ndi kuchita vinthu mwakukoliyana ndi mo Awisi akhumbiyanga
Kumbi ndi vinthu wuli vo vititichiska kuti tivwiyengi Yehova ndi Yesu?
Kumbi kuvwiya kulongo wuli kuti te ndi chivwanu?
Aro. 1:5; 10:16, 17; Yako. 2:20-23
Wonani so Doto. 9:23
Vakuwoniyapu va mu Bayibolu vo vingakuwovyani:
Gene. 6:9-22; Ahe. 11:7—Nowa wangulongo kuti wenga ndi chivwanu chakukho chifukwa wangukhoma chingaraŵa mwakukoliyana ndi vosi vo Yehova wangumulamula, “iyu wanguchita nadi viyo”
Ahe. 11:8, 9, 17—Abrahamu wangulongo kuti wavwiyanga Chiuta mwakutuwaku ku Uri pe cha kweniso kuzomera kuti wapereki mwana waki sembi
Kumbi Yehova watiŵalayizganji ŵanthu wo atimuvwiya?
Yere. 7:23; Mate. 7:21; 1 Yoha. 3:22
Vakuwoniyapu va mu Bayibolu vo vingakuwovyani:
Levi. 26:3-6—Yehova walayizga kuti waŵatumbikengi ndi kuŵaphwere ŵanthu wo atimuvwiya
Nume. 13:30, 31; 14:22-24—Kalebi wangutumbikika chifukwa chakuvwiya Yehova
Kumbi ntchinthu wuli chingatichitikiya asani tileka kuvwiya Yehova?
Vakuwoniyapu va mu Bayibolu vo vingakuwovyani:
Gene. 2:16, 17; 3:17-19—Chifukwa chakuleka kuvwiya Yehova Chiuta, Adamu ndi Heva akutaya Paradayisu, umoyu wakufikapu kweniso umoyu wamuyaya
Doto. 18:18, 19; Machi. 3:12, 18, 22, 23—Yehova wangukambiya limu kuti kuzengi Mchimi mura wakuluska Mozesi ndipu yosi yo wazamuleka kumuvwiya wazamulangika
Yuda 6, 7—Angelu akugaruka ndipuso ŵanthu a ku Sodomu ndi Gomora angumukwiyisa ukongwa Yehova chifukwa chakuleka kuvwiya
Ntchifukwa wuli tikhumbika kuvwiya Yesu Khristu?
Vakuwoniyapu va mu Bayibolu vo vingakuwovyani:
Yoha. 12:46-48; 14:24—Yesu wangukamba kuti yosi yo wakana kuvwiya mazu ngaki wazamulonde chilangu chikulu
Ntchifukwa wuli Akhristu avwiya ŵara mumpingu?
Ntchifukwa wuli munthukazi watenere kuvwiya mulumu waki?
Ntchifukwa wuli ŵana atenere kuvwiya apapi ŵawu?
Nthanthi 23:22; Aefe. 6:1; Ako. 3:20
Vakuwoniyapu va mu Bayibolu vo vingakuwovyani:
Gene. 37:3, 4, 8, 11-13, 18—Yosefi weche mnyamata waŵavwiyanga awisi ndipu wanguluta kuchiŵawona aku ŵaki chinanga kuti amutinkhanga
Luka 2:51—Yesu wangulutirizga kuŵavwiya awisi a Yosefi ndi anyina a Mariya chinanga kuti ŵenga ambula kufikapu po iyu wenga wakufikapu