Kupambana Mtundu, Chuma Pamwenga Udindu
Kumbi Chiuta wawona kuti munthu waja wakuzirwa chifukwa cha chuma, mtundu, banja lo watuliya pamwenga unandi wa ndalama zo wenazu?
Machi. 17:26, 27; Aro. 3:23-27; Aga. 2:6; 3:28
Vakuwoniyapu va mu Bayibolu vo vingakuwovyani:
Yoha. 8:31-40—Ayuda anyaki anyadanga ukongwa chifukwa akambanga kuti ŵenga mphapu yaku Abrahamu. Kweni Yesu wanguŵasuska chifukwa vo achitanga vakoliyananga cha ndi vo Abrahamu wachitanga
Kumbi pe chifukwa chakukwana chakuti tideleriyengi ŵanthu anyaki chifukwa cha mtundu wawu pamwenga charu cho atuliya?
Vakuwoniyapu va mu Bayibolu vo vingakuwovyani:
Yona 4:1-11—Yehova wangusambiza Yona mwakuzikira kuti pakhumbikanga kuŵalongo lisungu ŵanthu a ku Nineve wo ŵenga a mtundu unyaki
Machi. 10:1-8, 24-29, 34, 35—Wakutumika Peturo wanguwamu kuti wakhumbikanga cha kuwona ŵanthu a mitundu yinyaki kuti mbakufipiskika. Mwaviyo, wanguwovya Koneliyasi ndi wosi a munyumba yaki kuti aje Akhristu chinanga kuti ŵenga ambula kudumulika
Kumbi Akhristu wo mbakukhupuka atenere kujivwa kuti mbapachanya ukongwa kuluska anyawu, ndipu atenere kulonde ulemu wapade?
Kumbi munthu yo we ndi udindu mumpingu wakhumbika kujiwona kuti ngwapachanya ukongwa kuluska anyaki kweniso kuŵachitiya vinthu mwaukali?
2 Akori. 1:24; 1 Petu. 5:2, 3
Vakuwoniyapu va mu Bayibolu vo vingakuwovyani:
Doto. 17:18-20—Yehova wangutcheŵeska mafumu nga Ayisirayeli kuti ngangajikwezanga cha ndi kujiwona kuti ngaluska anyawu wosi, chifukwa ŵenga pa ubali
Mariko 10:35-45—Yesu wangujuma akusambira ŵaki chifukwa akhumbanga maudindu ngapachanya kuluska anyawu. (Wonani fundu yakusambiriya pa Mariko 10:42, pakamutu kakuti “akandirizga anyawu,” mu Bayibolu lakusambiriya la New World Translation)
Kumbi ndi munthu nuyu yo Chiuta wakondwa nayu?
Kumbi Akhristu atenere kuchitaku vinthu vakukhumba kusintha marangu nga charu?
Vakuwoniyapu va mu Bayibolu vo vingakuwovyani:
Yoha. 6:14, 15—Chinanga ŵanthu awonanga kuti Yesu ndiyu wangamalisa masuzgu mucharu chawu, kweni wangukana kupaskika ufumu pacharu chapasi