Kalendala ya Chaka cha 2011 Yilongo Kukhumbika kwa Kusopa kwa Pabanja

Mutu wa kalendala ya chaka cha 2011 ya Akaboni aku Yehova ngwa kuti Kusopa kwa Pabanja. Kalendala yeniyi, yilongo mabanja nga mazuŵa nganu ndi nga m’nyengu zakali. Yilongo so ateŵeti aku Yehova akuto ndi ambula kuto achisambira Mazu ngaki.

Ŵanthu wo azumbulika m’Bayibolo wo ŵe pa kalendala yeniyi, akondwanga ndi marangu ngaku Yehova, ndipu marangu ngo ngenga ngakukhumbika pakumalana ndi masuzgu ngo akumananga nangu. (Sumu 1:​2, 3) Asani tiwona chithuthuzi chechosi cho che mukalendala yeniyi, tikumbuskikengi kukhumbika kwa Kusopa kwa Pabanja, kaya te m’banja likulu pamwenga limana, kaya tosi m’banja lidu te Akaboni pamwenga cha. Pakalendala yeniyi, pe malu ngakuti imwi mulembepu zuŵa lo banja linu likusankha kuti muchitengi Kusopa kwa Pabanja. Kumbi mwalembapu?