Vakuchitika va mu Uteŵeti Wakumunda

Pafupifupi maboma nganandi nga kumwera kwa charu cha Malawi ngangukwaskika ndi kutola kwa maji. Ofesi ya nthambi yinguchitapu kanthu mwaliŵi kuti yiwovyi abali ndi azichi ŵidu. Ŵati alonde chovyu chenichi, mzichi munyaki wangukamba kuti: “Ndalama yo tingulonde yingutiwovya ukongwa kuguliya vinthu vakuzenge nyumba nge, vipepala vakuyeŵe nyumba ndi vinthu vinyaki vinandi, kusazgapu chakurya. Kukamba uneneska tatingi tifiskengi cha kusaniya vinthu ivi pakutija. Titikuwongani ukongwa abali chifukwa chakutiwovya pa nyengu yaki.” Anandi awona kuti Yehova wanguŵataska ŵechendayambi kupempha chovyu. (Yes. 65:24) Chinanga kuti akumana ndi masuzgu kweni abali ndi azichi wo aja m’vigaŵa venivi alutirizga kupharazga nyengu zosi. Titikuwongani ukongwa abali ndi azichi chifukwa cha chakuwoniyapu chinu chamampha.