Chiwona Cho Chititiwovya Kuja ndi Chivwanu Chakukho

9:1-7

Ŵanaŵaniyani mo Yesu wanguvwiya panyengu yo Awisi akuchanya angukamba kuti atimuyanja. Yiwu angukamba venivi Yesu wati wasambuka. Tikayika cha kuti venivi vingumuchiska ukongwa Yesu chifukwa chakuti wenga pafupi kukumana ndi masuzgu. Chiwona ichi chinguchiska so Peturo, Yakobe ndi Yohane. Kweniso chinguŵasimikiziya kuti Yesu ndiyu wenga nadi Mesiya ndipuso kuti yiwu achitanga umampha kumuvwiya. Pati pajumpha vyaka pafupifupi 32, Peturo wakumbukanga mbwenu vo vinguchitika pa zuŵa ili kweniso mo chiwona ichi chingumuchiskiya kuti wagomezgengi ukongwa “mazu nga uchimi.”​—2 Petu. 1:16-19.

Chinanga kuti tengapu cha panyengu yo chiwona ichi chachitikanga, kweni tipharazga za kufiskika kwaki. Pasonu panu, Yesu walamuliya nge Fumu yanthazi. Pambula kuswera yapa, iyu ‘wamalizengi kupunda kwaki’ kuti ŵanthu azije mwaurunji mucharu chifya.​—Chivu. 6:2.

Kumbi kufiskika kwa mauchimi nga m’Bayibolu kutikuchiskani wuli?