Yesu Wakufwiya Tija Pe Cha

Yesu wangupereka umoyu waki nge sembi chifukwa cha ŵanthu akubuda. (Aro. 5:8) Tikayika cha kuti weyosi pakuyija wawonga ukongwa sembi yo Yesu wakupereka chifukwa yilongo kuti watitiyanja. Chinanga kuti veviyo, tikhumbika so kuziŵa kuti Yesu wakufwiya tija pe cha, wakufwiya so abali ŵidu. Mwakuyanana ndi Khristu, kumbi tingalongo wuli kuti titanja abali ndi azichi ŵidu wo mbambula kufikapu nge isi? Tingachita venivi munthowa zitatu. Nthowa yakwamba: Tichezengi ndi ŵanthu akupambanapambana chinanga ndi wo tipambana nawu mtundu. (Aro. 15:7; 2 Akori. 6:12, 13) Nthowa yachiŵi: Tikhumbika kuphwere ndi vakukamba ndipuso vakuchita vidu vo vingaguŵiska anyidu. (Aro. 14:13-15) Nthowa yakumaliya: Tigowokengi mwaliŵi asani munyidu watinangiya. (Luka 17:3, 4; 23:34) Asani tiyesesa kuyezga Yesu munthowa zenizi, Yehova walutirizgengi kutiwovya kuti tikoliyanengi kweniso kuti tijengi mwachimangu mumpingu.

WONERIYANI VIDIYO YAKUTI MUWONENGI VINTHU MWAKWENERE, PAVULI PAKI MUKANI MAFUMBU YANGA:

• 

  Kumbi Miki waŵawonanga wuli abali ndi azichi mumpingu pakwamba?

• 

  Ntchifukwa wuli wangwamba kuŵawona mwambula kwenere?

• 

  Kumbi chakuwoniyapu chaku Yesu chingumuwovya wuli Miki kuti wayambi kuja ndi maŵanaŵanu ngakwenere? (Mariko 14:38)

• 

  Kumbi lemba la Nthanthi 19:11 lingatiwovya wuli kuti tiŵawonengi mwakwenere Akhristu anyidu?