CHUMA CHAKUTULIYA M’MAZU NGAKU CHIUTA | 2 AKORINTO 4-6
“Tiwere Vuli Cha”
Tiyeruzgiyi kuti mabanja ngaŵi ngaja munyumba yinyaki yakali ndipuso yakunangika ukongwa. Banja linyaki liziŵa cha cho lingachita. Kweni banja linyaki liwoneka kuti ndakukondwa ukongwa chifukwa pambula kuswera lisamiyengi munyumba yasonu yakutowa ukongwa.
Chinanga kuti “chilengedu chosi chilutirizga kutamanthiya limoza ndipu chosi pamoza chituvwa urwirwi mpaka sonu,” ateŵeti aku Chiuta ŵe ndi chilindizga cho chitiŵapaska nthazi. (Aro. 8:22) Tiziŵa kuti masuzgu ngo tikumana nangu sonu, chinanga ndi ngo tasuzgika nangu kwa vyaka vinandi, “ngakujalisa cha ndipu ngapepu” asani tingangayeruzgiya ndi umoyu wamuyaya mucharu chifya. Asani tiŵanaŵaniya vitumbiku vo Yehova watilayizga mu Ufumu waki, tikondwengi ukongwa kweniso tiweriyengi vuli cha.