JUNE 9-15
NTHANTHI 17
Sumu 157 ndi Pempheru | Mazu Ngakwamba (1 min.)
Banja la ku Isirayeli liturya chakurya
1. Mujengi Mwachimangu mu Nthengwa Yinu
(10 min.)
Pakhumbika phamphu kuti mujengi mwachimangu mu nthengwa yinu (Nth 17:1; wonani chithuzi)
Lekani kukuzga nkhani pa tinthu timanatimana (Nth 17:9; g 9/14 11 ¶2)
Mujikongi (Nth 17:14; w08 5/1 10 ¶6–11 ¶1)
2. Fundu Zakuzirwa za mu Bayibolu
(10 min.)
Nth 17:24—Kumbi fundu yakuti “masu nga munthu muzereza ngapenjapenja mpaka ku vigoti va charu” ying’anamuwanji? (it-1 790 ¶2)
Kumbi ndi fundu nizi zakuzirwa zo mwasaniya pakuŵerenga Bayibolu sabata yinu?
3. Kuŵerenga Bayibolu
(4 min.) Nth 17:1-17 (th sambiru 10)
4. Mo Mungayambiya Kukambiskana ndi Ŵanthu
(3 min.) KUPHARAZGA MWAMWAŴI. (lmd sambiru 3 fundu 5)
5. Mo Mungayambiya Kukambiskana ndi Ŵanthu
(4 min.) KUPHARAZGA KUMALU NGO KUSANIRIKA ŴANTHU ANANDI. Mupempheni kuti muyambi kusambira nayu Bayibolu. (lmd sambiru 6 fundu 4)
6. Nkhani
(5 min.) ijwbv nkhani 60—Mutu: Kumbi lemba la Nthanthi 17:17 ling’anamuwanji? (th sambiru 13)
Sumu 113
7. Mujengi ndi Nkharu zo Zingakuwovyani Kuti Mukambiskanengi Umampha
(15 min.) Nkhani yakukambiskana.
Kukambiskana umampha nkhwakukhumbika kuti banja likondwengi. Asani ŵanthu mubanja akambiskana mwakufwatuka, angafiska vilatu vawu kweniso kuwovyana pa nyengu ya masuzgu. (Nth 15:22) Kumbi mungachita wuli kuti mukambiskanengi mwakufwatuka mubanja linu?
Muchitiyengi vinthu limoza. (Dt 6:6, 7) Asani ŵanthu mubanja agwiriya ntchitu limoza, alutiya limoza ku mawunganu ndi mu upharazgi kweniso acheze limoza, atanjana ukongwa ndi kugomezgana. Aja so ndi mpata wakukambiskana. Nyengu zinyaki mungakhumbika kuleka kuchita vinthu vo mutanja kuti muchiti vo anyinu akhumba. Ndipu asani mungachita viyo vinthu vingayenda umampha ukongwa mubanja linu. (Afi 2:3, 4) Kumbi mungachita wuli kuti mugwiriskiyengi ntchitu nyengu yinu mwakwenere?—Aef 5:15, 16.
Wonesani VIDIYO yakuti Vo Tingachita Kuti Tijengi Mwachimangu mu Banja—Mukambiskanengi Umampha. Ndipu fumbani akuvwisiya mafumbu yanga:
Kumbi kugwiriskiya ntchitu uheni vipangizu va mazuŵa nganu kungatimbanyiza wuli kukambiskana umampha mubanja?
Kumbi mwasambiranji mu vidiyo iyi vakukwaskana ndi kukambiskana?
Muvwisiyengi. (Yak 1:19) Ŵana afwatuka kukonkhoska mo avwiya asani aziŵa kuti munthu yo atimukonkhoske waŵavwisengi ndipuso waŵayeruzgengi cha. So mungakwiyanga cha asani mwana winu wakamba vinthu vo mwakondwa navu cha. (Nth 17:27) Mumalu mwaki, muvwisiyengi mwakuphwere. Yesesani kuziŵa mo wavwiya ndipuso vo waŵanaŵana kuti mumuchiski pamwenga kumuwovya mwachanju.
8. Sambiru la Bayibolu la Mpingu
(30 min.) bt mutu 27 ¶19-22 ndi bokosi pa peji 212