Chiskani Wosi Kuti Ayambisengi Masambiru nga Bayibolo pa Chisulu Chakwamba

Kwambiya mu May, 2011, apharazgi achiskikanga kwambisa masambiru nga Bayibolo pa Chisulu, sabata yakwamba ya mwezi wewosi. Kuti tifiski kuchita ivi, magazini ya Chigongwi cha Alinda yo tigaŵiya yija ndi chigaŵa cha mutu wakuti “Vo Bayibolo Limuka.” Ivi ving’anamuwa kuti unganu wakunozgeke uteŵeti wakumunda wo tichita pa Chisulu chakwamba mwezi wewosi, utenere kulongo mo chigaŵa ichi chingatiwovye kwambisa masambiru nga Bayibolo. Kweniso titenere kuchita chakuwoniyapu cha mo tingayambisiya sambiru.

Ŵara a mumpingu angasankha kuti kagulu kekosi ka uteŵeti wakumunda kachitiyengi pakukija unganu uwu pa Chisulu cha sabata yakwamba ya mwezi, pamwenga angabanya magulu ngosi ndi kuchitiya pamoza unganu uwu mu Nyumba ya Ufumu. Kweni asani mipingu yiŵi pamwenga yinandi yigwiriskiya nchitu Nyumba ya Ufumu yimoza, mpingu unyaki ungasinthanga cha zuŵa lakwambiskiya masambiru nga Bayibolo ndi chilatu chakuti magulu ngosi nga uteŵeti ngakumani pamoza.