JANI MASU!
Ŵanthu 6 Miliyoni Akufwa ndi Mulili wa COVID—Kumbi Bayibolu Likambanji?
Lipoti la wupu wa World Health Organization (WHO), lilongo kuti kufika pa 23 May 2022, ŵanthu 6.27 miliyoni akufwa chifukwa cha mulili wa COVID-19. Kweni nge mo nyuzipepala yo yingutuzgika pa 5 May 2022 yingukambiya, wupu wa WHO uwona kuti chiwerengeru cha ŵanthu wo akufwa ntchikulu ukongwa kujumpha penapa. Nyuzipepala iyi yingukamba kuti kutuwa mu chaka cha 2020 kuzifika mu 2021, “chiŵerengeru cha ŵanthu wo akufwa ndi mulili wa COVID-19 pamwenga chifukwa cha masuzgu ngo nganguza ndi mulili wenuwu . . . chikwana pafufupi 14.9 miliyoni.” Kumbi Bayibolu likambapu chechosi chakukwaskana ndi vinthu vakupaska chitima ukongwa venivi?
Bayibolu likukambiya limu vakukwaskana ndi milili yakofya ukongwa
Yesu wangukambiya limu kuti mu “mazuŵa ngakumaliya” kwazamuja milili ya “matenda ngakofya ukongwa.”—Luka 21:11, Contemporary English Version; 2 Timote 3:1.
Mazuŵa nganu uchimi waku Yesu ufiskika. Kuti muziŵi vinandi ŵerengani nkhani yakuti “Kumbi ndi Vinthu Wuli vo Vilongo Kuti Tija mu “Mazuŵa Ngakumaliya” Pamwenga ‘Nyengu za Umaliru’?”
Bayibolu le ndi uthenga wakupembuzga
“Chiuta wakupembuzga ukongwa . . . watitipembuzga mu mayeseru ngidu ngosi.”—2 Akorinto 1:3, 4.
Ŵanthu anandi wo akwanjiwa ŵawu akutayika, apembuzgika ndi uthenga wa mu Bayibolu. Kuti muziŵi vinandi ŵerengani nkhani yakuti “Vo Mungachita—Kuti Chitima Chimali” ndipuso yakuti “Ulongozgi Wamampha Ukongwa wo Ungawovya wo ŵe Ndi Chitima.”
Bayibolu likamba mo matenda ngosi ngazamumaliya
“Ufumu winu uzi. Khumbu linu lichitiki panu pasi, nge kuchanya.”—Mateyu 6:10.
Pambula kuswera yapa, “Ufumu waku Chiuta” uchitengepu kanthu ndipu “palivi wakuja mucharu cho yo wazamukamba kuti: ‘Ndatama.’” (Mariko 1:14, 15; Yesaya 33:24) Woneriyani vidiyo yakuti Kumbi Ufumu Waku Chiuta Ntchinthu Wuli? kuti muziŵi vakukwaskana ndi boma lakuchanya lenili ndipuso vo lazamuchita.
Titikupemphani kuti muziŵi vinandi vakukwaskana ndi vo Bayibolu likamba kuti yimwi ndi banja linu muyanduwi ndi ulongozgi waki wazeru kweniso malayizgu ngaki ngamampha ukongwa.