LAYIBULARE YA PA INTANETI

Kumbi Muwona Umoyu nge mo Chiuta Watiwuwone?

“Mujisungi mu Chanju Chaku Chiuta”
- 5, 6. Kumbi Chilangulu chaku Mosese chalongonga wuli kuti ndopa zenga zakupaturika ndipuso zakuzirwa ukongwa? (Wonani so bokosi lakuti, “Mutumbikengi Umoyu wa Nyama.”)
  
  ⁵ Fundu ziŵi zakukhumbika ukongwa zenizi, zisanirika so m’Chilangulu chaku Mosese. Lemba la Ŵalevi 17:10, 11 likamba kuti: “Asani munthu . . . waturya ndopa zezosi, ndikamikananga nayu munthu yo, ndipu ndikamudumuwangaku ku ŵanthu ŵaki. Pakuti umoyu wa liŵavu ndi ndopa; leka ndazisankha kuŵa zakupepeske pa jotcheru chifukwa chinu: ndi ndopa, ndizu umoyu, ndizu zichita mphepeska.”a—Wonani bokosi lakuti, “Ndopa ze ndi Nthazi Kuti Ŵanthu Agowokereki Ubudi.”
  
  NDOPA ZE NDI NTHAZI KUTI ŴANTHU AGOWOKEREKI UBUDI
  
  M’Bayibolo, ndopa ziyanana ndi umoyu. Kali ku Yisraele, munthu yo waswa marangu ngaku Yehova m’malu mwakuti wabayiki, wakhumbikanga kupereka sembi ya nyama pa jotcheru. (Ŵalevi 4:27-31) Sembi yeniyi yachitiskanga kuti maubudi ngaki ngagowokereki chinanga kuti ngamaliyanga limu cha.
  
  Mwakuyeruzgiyapu, nge mo chibenekereru chambula kuyanana ndi potu chingaleke kubenekere umampha papotu, ndimuso ndopa za nyama zachitiyanga, zamalisiyanga limu cha ubudi wa ŵanthu wo akuhara kwaku Adamu. Sembi za nyama zamiyanga ŵaka sembi yo yatingi yizimalisiyengi limu ubudi.—Ŵahebere 10:1, 4.
  
  Kugowokereke limu kwa ubudi, kukuchitika kuporote ‘mu liŵavu laku Yesu Khristu lo likuperekeka kamoza pe.’ (Ŵahebere 10:10) Umoyu wambula kalema waku Khristu ungumiya “ndopa zakuzirwa, uli za mwanambereri wambula kalema ndi wambula banga,” ndipu wenga wakuyanana ndi umoyu wo Adamu wangutaya nge mo chibenekereru chakwenere chijaliya umampha papotu waki. (1 Petro 1:19) Kuporote m’nthowa yamampha ndi yachanju yeniyi, Yehova wakuchita vinthu mwa urunji ndipu wakuchitiska kuti tilonde “uwombozi wamuyaya.”—Ŵahebere 9:11, 12; Yohane 3:16; Chivumbuzi 7:14.

Kumbi Muwona Umoyu nge mo Chiuta Watiwuwone?

“Mujisungi mu Chanju Chaku Chiuta”
- a Mwakukoliyana ndi lemba la Ŵalevi 17:10, 11, magazini yinyaki yikukamba kuti, munthu wakhumbika kuja ndi “vigaŵa vosi vinayi va maselu nga ndopa” kuti waje ndi umoyu.—Scientific American.