5. Vo Yehova wakhumba kuti mabwezi ngaki ngachitengi

Weyosi wakhumba kuti mabwezi ngaki ngachitengi vinthu vo vingamukondwesa.

• Kumbi ndi vinthu wuli vo mungayanja kuti anyinu akuchitiyeningi?

Ŵerengani 1 Yohane 5:3, pavuli paki kambiskanani fumbu ili:

• Kumbi Yehova wakhumba kuti mabwezi ngaki ngachitengenji?

Kuti tilongo kuti tivwiya Yehova, tikhumbika kusintha mijalidu yidu. Ŵerengani Yesaya 48:17, 18, pavuli paki kambiskanani fumbu ili:

• Ntchifukwa wuli Yehova wapempha mabwezi ngaki kuti ngasinthi mijalidu yawu?

Kumbi sonu mutimuyanja ukongwa Yehova kuluska po mwayambiyanga waka kusambira Bayibolu? Kumbi mukhumbisiska kulutirizga kuja nayu pa ubwezi? Asani ndi viyo, kumbukani kuti asani Yehova wawona kuti mutimuyanja ukongwa, nayu wakuyanjeningi ukongwa kweniso wakuphweriyeningi. Kweni kumbi mungalongo wuli kuti mutimuyanja Yehova?

1. Kumbi tingalongo wuli kuti titimuyanja Yehova?

Tingalongo kuti titimuyanja Yehova asani titimuvwiya. (Ŵerengani 1 Yohane 5:3.) Iyu wachichizga munthu weyosi cha kuti wamuvwiyengi. Mumalu mwaki, wapereka mwaŵi kwaku weyosi wakusankha kumuvwiya pamwenga cha. Ntchifukwa wuli wachita venivi? Yehova wakhumba kuti ‘timuvwiyengi ndi mtima wosi.’ (Aroma 6:17) Ivi ving’anamuwa kuti iyu wakhumba kuti mumuvwiyengi chifukwa chakuchichizgika cha, kweni chifukwa chakuti mutimuyanja. Chigaŵa 3 ndipuso chigaŵa 4 cha buku ili, vikuwovyeningi kuziŵa mo mungalongore kuti mutanja Yehova, mwakuchita vo vitimukondwesa ndipuso kukana vo vileka kumukondwesa.

2. Ntchifukwa wuli nyengu zinyaki vija vakusuzga kulongo kuti titimuyanja Yehova?

“Masuzgu nga munthu murunji ngalipu nganandi.” (Salimo 34:19) Tosi tisuzgika kuchita cho ntchamampha chifukwa cha ubudi wo tikutole kwa apapi ŵidu akwamba. Kweniso nyengu zinyaki tisoŵa ndalama zakuguliya vinthu vakukhumbika, tikumana ndi vinthu vambula urunji ndipuso masuzgu ngakupambanapambana. Asani takumana ndi masuzgu, tingasuzgika kuchita vo Yehova wakhumba. Veviyo chifukwa nthowa yiheni yakumalisiya masuzgu ngo, ndiyu kanandi yiwoneka kuti njipusu kweniso yakovya. Kweni asani pa nyengu ya masuzgu mwayesesa mbwenu kuchita vo Yehova wakhumba, mulongo kuti mutimuyanja ukongwa kuphara chechosi. Kweniso mulongo kuti mwe akugomezgeka kwaku iyu. Chifukwa cha venivi, Yehova nayu wayesesengi kukuchitiyani vinthu mwakugomezgeka. Iyu nayu wakujowoningi cha.—Ŵerengani Salimo 4:3.

4. Kondwesani mtima waku Yehova

Ŵerengani Nthanthi 27:11, pavuli paki kambiskanani mafumbu yanga:

• Kumbi Yehova watuvwa wuli asani muchita vinthu mwazeru ndipuso mutimuvwiya? Ntchifukwa wuli watuvwa viyo?

5. Mungaja wakugomezgeka kwaku Yehova

VIDIYO: Mupharazgengi Mwachiganga Chinanga Kuti Mususkika (5:09)

• Kumbi nyengu zinyaki muwona kuti nkhwakusuzga kukambiyaku ŵanthu vakukwaskana ndi Yehova?

• Nge po tawone mu vidiyo, ntchinthu wuli chinguwovya Grayson kuti waleki kuchita mantha?

Vituŵa vipusu kuja akugomezgeka kwaku Yehova asani titanja vo iyu watanja ndipuso titinkha vo iyu watinkha. Ŵerengani Salimo 97:10, pavuli paki kambiskanani mafumbu yanga:

• Mwakukoliyana ndi vo mwasambirapu nyengu yosi iyi, kumbi ndi vinthu vinyaki nivi vo Yehova watanja? Nanga ndi vinthu vinyaki nivi vo iyu watinkha?

• Kumbi mungachita wuli kuti musambiri kwanja vamampha ndi kutinkha vinthu viheni?

6. Kuvwiya Yehova nkhwakovya

Kuvwiya Yehova nkhwamampha nyengu zosi. Ŵerengani Yesaya 48:17, 18, pavuli paki kambiskanani mafumbu yanga:

• Kumbi muwona kuti mphakuvwika kugomezga kuti Yehova ndiyu waziŵa vo tingachita kuti vinthu vitiyendiyengi umampha? Ntchifukwa wuli muwona viyo?

• Kumbi kusambira Bayibolu kweniso vakukwaskana ndi Yehova yo ndi Chiuta wauneneska, kwakuwovyani wuli kufika sonu panu?

KUMBI MWASAMBIRANJI?

Mungalongo kuti mutimuyanja Yehova asani mutimuvwiya kweniso asani mulutirizga kuja akugomezgeka kwaku iyu chinanga mukumani ndi masuzgu.

Kuweriyamu

• Kumbi mwasambiranji pa nkhani yaku Yobu?

• Kumbi muchitengenji kuti mulongo kuti mutimuyanja Yehova?

• Ntchifukwa wuli mulutirizgengi kuja akugomezgeka kwaku Yehova?

FUFUZANI

Wonani vo mungachita kuti muje wakugomezgeka kwaku Yehova kweniso mumpingu.

“Munthu Wakugomezgeka Mutimuchitiya Vinthu Mwakugomezgeka” (16:49)

Wonani so vinyaki vo Satana wangukamba pakumba mulandu ŵanthu.

“Jobu Walutirizga Kuja Wakugomezgeka” (Kumbi Bayibolo le Ndi Uthenga Wuli? chigaŵa 6)

Wonani mo ŵana nawu angalongore kuti atanja Yehova.

Mukondwesengi Yehova (8:16)

Kumbi wachinyamata yo wachichizgika ndi anyaki, wangachita wuli kuti walutirizgi kuja wakugomezgeka kwaku Chiuta?

Kanani Asani Anyinu Atikuchichizani Kuchita Vinthu Viheni! (3:59)

Munthu weyosi wakhumbika kusankha vakuchita. Vinthu vinandi vo tingasankha, vingakwaska umoyu widu ndipuso ubwezi widu ndi Yehova. Mwakuyeruzgiyapu, tingakhumbika kusankha ko tingachija, ntchitu yo tingagwira kweniso nkhani yakuto pamwenga kuyirwa. Asani tisankha umampha vinthu, tingaja mwakukondwa kweniso tingakondwesa Yehova.

1. Kumbi Bayibolu lingakuwovyani wuli kuti musankhengi umampha vakuchita?

Mwechendasankhi vakuchita, mupempherengi dankha kwaku Yehova kuti wakuwovyeni. Kweniso muŵerengengi Bayibolu kuti muziŵi mo iyu watiyiwone nkhani yo. (Ŵerengani Nthanthi 2:3-6.) Yehova wapereka marangu ngachindunji pa nkhani zinyaki. Asani veviyo, vija umampha ukongwa kuvwiya dangu lenilo.

Kweni wuli asani mu Bayibolu mulivi dangu lelosi lachindunji pa nkhani yo mukhumba kusankha vakuchita? Yehova wangakulongozgani mbwenu ‘munthowa yo mutenere kwendamu.’ (Yesaya 48:17) Kumbi iyu wangakulongozgani wuli? Nyengu zinyaki pangaŵa fundu zinyaki zo zingakulongozgani. Fundu za mu Bayibolu zauneneska ndipu zititiwovya kuziŵa maŵanaŵanu ngaku Chiuta ndipuso mo wavwiya. Kuŵerenga nkhani zinyaki za mu Bayibolu, kutitiwovya kuziŵa mo Chiuta wavwiya pa nkhani zakupambanapambana. Asani taziŵa mo Yehova wavwiya, tingasankha kuchita vinthu vo vingamukondwesa.

2. Kumbi ndi vinthu wuli vo mutenere kuŵanaŵaniya mwechendasankhi vakuchita?

Bayibolu likamba kuti: “Munthu wakuchenje waŵanaŵaniya mo watende.” (Nthanthi 14:15) Ivi vilongo kuti mukhumbika kuŵanaŵaniyapu dankha mwechendasankhi vakuchita. Muchiŵanaŵaniya vinthu vo mukhumba kusankha, mujifumbengi kuti: ‘Kumbi ndi fundu nizi za mu Bayibolu zo zingagwira ntchitu pa nkhani iyi? Kumbi ndingasankha nichi pa vinthu ivi kuti ndije ndi chimangu chamumtima? Kumbi vo ndisankhengi yapa viŵakwaskengi wuli ŵanthu anyaki? Kweniso kuluska vosi, kumbi vo ndisankhengi vimukondwesengi Yehova?’—Dotoronome 32:29.

Yehova we ndi wanangwa wosi wakutikambiya cho ntchamampha ndipuso cho ntchiheni. Titamba kuja ndi njuŵi yamampha asani titingavwisa umampha marangu ngaki kweniso fundu zaki ndi kuzilondo ndi mtima wosi. Njuŵi yidu ndiyu yititiwovya kuziŵa cho ntchamampha ndipuso cho ntchiheni. (Aroma 2:14, 15) Mwaviyo, njuŵi yakusambizika umampha yingatiwovya kuti tisankhengi vinthu mwazeru.

SAMBIRANI VINANDI

3. Mugwiriskiyengi ntchitu fundu za mu Bayibolu

VIDIYO: Mugwiriskiyengi Ntchitu Fundu za mu Bayibolu Pakusankha Vakuchita (5:54)

• Kumbi wanangwa wakusankha vakuchita ung’anamuwanji?

• Ntchifukwa wuli Yehova wakutipaska wanangwa wakusankha vakuchita?

• Kumbi ndi vinthu wuli vo iyu watipaska vo vingatiwovya kuti tigwiriskiyengi ntchitu umampha wanangwa widu wakusankha vakuchita?

Kuti muwoni chakuwoniyapu cha mo tingagwiriskiya ntchitu fundu za mu Bayibolu, ŵerengani Aefeso 5:15, 16. Pavuli paki kambiskanani vo mungachita kuti ‘nyengu yinu muyigwiriskiyengi ntchitu mwakwenere’ kuti . . .

• musaniyengi mpata wakuŵerenge Bayibolu nyengu zosi.

• muje munthulumi wamampha, munthukazi wamampha, mpapi wamampha pamwenga mwana wamampha mubanja.

• musanirikengi pa maunganu nga mpingu.

4. Sambizani njuŵi yinu kuti musankhengi umampha vakuchita

VIDIYO: “Lutirizgani Kuja ndi Njuŵi Yamampha” (5:13)

• Nge mo tawone mu vidiyo, kumbi mzichi wanguchita wuli kuti wasambizi njuŵi yaki kuti wasankhi vinthu vo vingakondwesa Yehova?

Ntchifukwa wuli tikhumbika cha kupempha ŵanthu anyaki kuti ndiwu atisankhiyi vakuchita mumalu mwakusankha tija? Ŵerengani Aheberi 5:14, pavuli paki kambiskanani mafumbu yanga:

• Chinanga kuti vingawoneka vambula kusuzga kupempha ŵanthu anyaki kuti atisankhiyi vakuchita, kumbi ndi vinthu wuli vo titenere kupambanisa mbwenu?

• Kumbi ndi vinthu wuli vo vingakuwovyani kuti musambizengi njuŵi yinu ndipuso kuti musankhengi umampha vakuchita?

5. Mutumbikengi njuŵi ya anyinu

Taŵanthu tipambana vakusankha. Kweni tingalongo wuli kuti titumbika njuŵi ya anyidu? Wonani vakuyeruzgiyapu ivi:

Chakuchitika 1: Mzichi yo watanja kuphoda wasamiya ku mpingu wo azichi a kweniko akondwa navu cha.

Ŵerengani Aroma 15:1 ndipuso 1 Akorinto 10:23, 24, pavuli paki kambiskanani mafumbu yanga:

• Mwakukoliyana ndi malemba yanga, kumbi mzichi uyu wangasankha kuchitanji? Kumbi yimwi mungachita wuli asani mwe ndi munthu yo njuŵi yaki yitimukaniza kuchita vo njuŵi yinu yitikuzomerezani kuchita?

Chakuchitika 2: Mubali waziŵa kuti Bayibolu likaniza cha kumwapu moŵa, kweni wakusankha kuti wamwengi cha moŵa. Iyu wadanika kuti akachezi kumalu nganyaki ndipu kwenuku wachisaniya kuti abali atumwa moŵa.

Ŵerengani Wakutawula 7:16 ndipuso Aroma 14:1, 10, pavuli paki kambiskanani mafumbu yanga:

• Mwakukoliyana ndi malemba yanga, kumbi mubali uyu wangasankha kuchitanji? Kumbi yimwi mungachita wuli asani mwawona mubali wachita vinthu vo njuŵi yinu yitikukanizgani?

Kumbi mungachita wuli kuti musankhengi umampha vakuchita?

1. Mupemphengi Yehova kuti wakuwovyeningi kusankha vakuchita.—Yakobe 1:5.

2. Mufufuzengi mu Bayibolu ndipuso mumabuku ngo ngakonkhoska Bayibolu kuti musaniyi fundu zo zingakuwovyani. Mungafumbaku so Akhristu anyaki wo aziŵa vinandi.

3. Muŵanaŵaniyengi njuŵi yinu kweniso ya ŵanthu anyaki pa vo mungasankha.

KUMBI MWASAMBIRANJI?

Tingasankha umampha vakuchita asani tifufuza dankha mo Yehova watiyiwone nkhani yo ndipuso mo vikwaskiyengi ŵanthu anyaki.

Kuweriyamu

• Kumbi mungachita wuli kuti musankhengi vinthu vo vingakondwesa Yehova?

• Kumbi mungayisambiza wuli njuŵi yinu?

• Kumbi mungachita wuli kuti mutumbikengi njuŵi za ŵanthu anyaki?

FUFUZANI

Kumbi mungachita wuli kuti musankhengi vinthu mwazeru kuti muje pa ubwezi wakukho ndi Chiuta?

“Musankhengi Vakuchita vo Vingatumbika Chiuta” (Chigongwi cha Alinda, April 15, 2011)

Wonani mo Yehova watitipaskiya ulongozgi.

Yehova Walongozga Ŵanthu Waki (9:50)

Wonani vo vinguwovya munthu munyaki kuti wasankhi umampha vakuchita pa nkhani yakusuzga ukongwa.

Yehova Watitikolezesa Mwa Cha (5:46)

Wonani mo mungakondwese Yehova asani palivi dangu lachindunji pa nkhani yo mukhumbika kusankha chakuchita.

“Kumbi Mukhumba Kuti Pajengi Dangu la mu Bayibolu Pe Nyengu Zosi?” (Chigongwi cha Alinda, December 1, 2003)