• “Ndazakuziyuskiya Mliska”
    Yehova Waweziyapu Kusopa Kwauneneska!
    • Nombu yaŵana mphukira ya chimiti cha sidara.

      Nombu yikulu yakwamba yamiyanga Fumu Nebukadinezara ya ku Babiloni (Wonani ndimi 6)

      6. Konkhoskani vo ntharika yo Ezekiyeli wangukamba ying’anamuwa.

      6 Kumbi ntharika yeniyi yang’anamuwanganji? (Ŵerengani Ezekiyeli 17:11-15.) Mu chaka cha 617 B.C.E., Fumu Nebukadinezara ya ku Babiloni (“nombu yikulu” yakwamba) yinguzingiliza Yerusalemu. Nebukadinezara wangutuzga Fumu Yehoyakini (yo wenga “mphukira yakusongu”) pampandu waki waufumu ndi kuluta nayu ku Babiloni (“mutawuni ya amalonda”). Nebukadinezara wanguŵika Zedekiya (yo wenga “mbewu ya charu cho” kung’anamuwa wa mumzeri waufumu) pampandu waufumu ku Yerusalemu. Zedekiya yo wenga fumu yasonu ya ku Yuda, wangulapizga mu zina laku Chiuta kuti wajengi wakugomezgeka pasi pa Fumu Nebukadinezara. (2 Mbiri 36:13) Kweni Zedekiya wangufiska cha vo wangulapizga. Iyu wangugarukiya fumu ya ku Babiloni ndipu wangupempha Farawo fumu ya ku Ijipiti (“nombu yikulu” yachiŵi) kuti wamuwovyi pa nkhondu, kweni vo wanguchita vingumuwovya cha. Yehova wangususka vo Zedekiya wanguchita pakuleka kufiska vo wangulapizga. (Ezeki. 17:16-21) Pakumaliya, Zedekiya wangutuzgikapu pa mpandu waufumu ndipu wanguchifwiya mujeri ku Babiloni.—Yere. 52:6-11.