-
Wangusambira pa vo WangunangiskaYezgani Chivwanu Chawu
-
-
12. (a) Nchifukwa wuli titenere cha kukamba kuti Yona wagoniyanga dala? (Wonani so mazu ngam’mphata.) (b) Kumbi Yehova wanguchita wuli kuti ŵanthu aziŵi yo wanguchitiska kuti panyanja pachiti chimphepu?
12 Yona wati wawona kuti palivi chechosi cho wangachita, wanguluta pasi pangaraŵa ndi kusaniya malu ngakugonapu. Iyu wangugona tulu takufwa natu.b Nduna ya ngaraŵa yati yamusaniya Yona, yingumuyuska ndi kumukambiya kuti warombi kwaku chiuta waki nge mo weyosi wanguchitiya. Akwendesa ngaraŵa aziŵanga kuti mphepu iyi yenga yakukuziziswa ukongwa, ndipu anguchita mayera kuti aziŵi yo wachitiska suzgu ili. Yapa Yona wanguti ŵaka mtima bii mayera ngachichitika! Pambula kuswera, angumuziŵa yo wanguchitiska. Yehova wanguchitiska kuti mayera ngawi paku Yona kuti ŵanthu aziŵi kuti chimphepu ichi chinguza chifukwa chakuleka kuvwiya kwaku Yona.—Ŵerengani Yona 1:5-7.
-
-
Wangusambira pa vo WangunangiskaYezgani Chivwanu Chawu
-
-
b Bayibolo la Septuagint lilongo kuti Yona wangugona ukongwa mpaka kuchita chinkhononu. Kweni tingakambanga cha kuti Yona wangugona chifukwa chakuti wazerezgiyanga dala, chifukwa ŵanthu anyaki agona asani ŵe ndi mantha. Mwakuyeruzgiyapu, Yesu we pafupi kukoleka m’munda wa Getsemane, Petro, Yakobe ndi Yohane ‘angugona tulu chifukwa cha chitima.’—Luka 22:45.
-