Malifalensi nga Nkhani za Unganu wa Umoyu Widu Ndipuso Uteŵeti
© 2023 Watch Tower Bible and Tract Society of Pennsylvania
MAY 1-7
CHUMA CHAKUTULIYA MU MAZU NGAKU CHIUTA | 2 MBIRI 17-19
“Muwonengi Anyinu Nge mo Yehova Watiŵawone”
w17.03 24 ¶7
Kumbi Tisambiranjipu pa Vo Vinguchitika Munyengu Yakali?
Sonu tiyeni tikambisani zaku Yehosafati, mwana waku Asa. Iyu wenga ndi mijalidu yinandi yamampha. Yehosafati wanguchita vinthu vinandi vamampha chifukwa chakuti wathembanga Chiuta. Chinanga kuti venga viyo, nyengu yinyaki wanguchita vinthu mwambula kuŵanaŵana umampha. Mwakuyeruzgiyapu, mwana waki munthurumi wanguto mwana wa ku Ahabu yo wenga fumu yiheni ya ufumu wakunkhondi. Kusazgiyapu yapa, Yehosafati wangukoliyana ndi Ahabu kuti akapumani ndi Asiriya chinanga kuti mchimi Mikaya wangumutcheŵesa. Pa nkhondu yo, Yehosafati wanguja kamanavi kubayika. Pavuli paki wanguwere ku Yerusalemu. (2 Mik. 18:1-32) Chifukwa cha vo Yehosafati wanguchita, Yehu wangumukambiya kuti: “Kumbi utenere kovya ŵanthu aheni ndipuso kumbi utenere kwanja ŵanthu wo atinkha Yehova?”—Ŵerengani 2 Mikoka 19:1-3.
w15 8/15 11-12 ¶8-9
Muŵanaŵaniyengi Chanju Chambula Kumala Chaku Yehova
Yehova wakhumba kuti tiziŵengi kuti iyu watitiyanja ndipuso wawona vamampha vo tichita chinanga kuti te ambula kufikapu. (2 Mik. 16:9) Ivi ndivu wanguchita ndi Yehosafati, Fumu ya Yuda. Nyengu yinyaki, Yehosafati wanguchita vinthu mwambula zeru. Iyu wanguzomera kuluta ku nkhondu ndi Ahabu fumu ya Yisraele. Yiwu akhumbanga kuchilonda msumba wa Ramoti-gileada ku Siriya. Chinanga kuti achimi aboza 400 angusimikizgiya Ahabu kuti wamupunda, kweni mchimi waku Yehova Mika wangukamba kuti amuthereskeka. Ahabu wangufwa pa nkhondu iyi ndipu Yehosafati wanguthaŵa. Wati wawere ku Yerusalemu, wanguchenyeka chifukwa cha kukoliyana ndi Ahabu. Chinanga kuti venga viyo, Yehu mwana waku Hanani wangukambiya Yehosafati kuti: “Pe vinthu vamampha vo vawoneka mwaku iwi.”—2 Mik. 18:4, 5, 18-22, 33, 34; 19:1-3.
Kukwamba kwa muwusu waki, Yehosafati wangukambiya nduna, Alevi ndi asembi kuti ayendi m’misumba yosi ya Yuda ndi chilatu chakuti akasambizi ŵanthu Dangu laku Yehova. Ivi vinguwovya ukongwa, mwakuti mitundu yapafupi yingwamba kopa Yehova. (2 Mik. 17:3-10) Mbuneneska kuti Yehosafati wanguchita vinthu vambula kwenere, kweni Yehova wanguwona vinthu vamampha vo wanguchita. Nkhani yaku Yehosafati yititikumbuska kuti chinanga kuti te ambula kufikapu, Yehova walutirizgengi kutiyanja asani tichita vinthu vakumukondweska kutuliya pasi pa mtima.
Fundu Zakuzirwa za mu Bayibolu
w17.03 20 ¶10-11
Teŵetiyani Yehova Ndi Mtima Wosi!
Yehosafati wenga mwana waku Asa. Iyu “wangulutiriza kwenda mu nthowa ya awisi a Asa.” (2 Mik. 20:31, 32) Kumbi wanguchita wuli venivi? Nge mo awisi anguchitiya, iyu wanguchiska ŵanthu kuti apenji Yehova. Yehosafati wangusankha anthurumi kuti akasambizi ŵanthu mwakugwirisiya ntchitu “buku la Marangu ngaku Yehova.” (2 Mik. 17:7-10) Iyu wanguluta chinanga nkhuchigaŵa cha ufumu wakunkhondi wa Yisraele, wanguchifika kudera lamapiri la Efraimu “kuti waŵaweze kwaku Yehova.” (2 Mik. 19:4) Kukamba uneneska, Yehosafati ‘wangupenja Yehova ndi mtima waki wosi.’—2 Mik. 22:9.
Tosi tingagwiraku ntchitu yikulu yakusambiza ŵanthu yo Yehova wakhumba kuti tigwiri mazuŵa nganu. Kumbi mukhumbisisa kuti mwezi wewosi musambizengi ŵanthu Mazu ngaku Chiuta, kuti nawu ayambi kumuteŵete? Asani muyesesengi, Chiuta wakuwovyeningi kuti muyambi kusambira Bayibolu ndi munthu. Kumbi mutimupempha Yehova kuti muyambisi sambiru? Kumbi mukhumbisisa kusambira Bayibolu ndi munthu chinanga kuti mungakhumbika kuchita viyo pa nyengu yo mwatingi muchitengi vinthu vinyaki? Nge Yehosafati yo wanguluta kuchigaŵa cha Efraimu kuchiwovya ŵanthu kuti ayambi so kusopa kwa uneneska, nasi titenere kuluta ku ŵanthu wo akuleka kuwungana kuti tikaŵachiski. Kusazgiyapu pa fundu yeniyi, ŵara mumpingu anozga kuti aluti kuchiwovya ŵanthu wo akusezgeka wo panyaki akuleka kuchita vinthu viheni.
MAY 8-14
CHUMA CHAKUTULIYA MU MAZU NGAKU CHIUTA | 2 MBIRI 20-21
“Gomezgani Yehova Chiuta Winu”
w14 12/15 23 ¶8
Tiyeni Tikoliyani po Umaliru wa Charu Ichi Wepafupi
Mu nyengu ya Fumu Yehosafati, ŵanthu aku Chiuta angukumana ndi masuzgu chifukwa alimbananga ndi “chimzinda chikulu” cha arwani akofya. (2 Mik. 20:1, 2) Vakukondweska ukongwa kuti ŵanthu aku Chiuta angulimbana nawu ŵija cha kweni anguthemba Yehova. (Ŵerengani 2 Mikoka 20:3, 4.) Munthu weyosi wangujithemba cha kuti waluti ku nkhondu pakuyija nge mo wakhumbiyanga. Bayibolo likamba kuti: “Yuda yosi wanguma paurongo paku Chiuta, ndi amjedu [abonda] ŵawu, ndi awolu ŵawu, ndi ŵana ŵawu.” (2 Mik. 20:13) Wosi pamoza, kwambiya ŵana ndi ŵara angusimikizga mtima kuti avwiyengi ulongozgi waku Yehova ndipu iyu wanguŵavikiliya kwa arwani ŵawu. (2 Mik. 20:20-27) Ichi nchakuwoniyapu chamampha ukongwa cha mo ŵanthu aku Chiuta atenere kuchitiya asani akumana ndi masuzgu?
w21.11 16 ¶7
Yimwi Mwatorana Ŵaka Sonu, Muŵikengi Mtima Pakuteŵete Yehova
Yehova wangulongoro ndi Yehosafati kuziya mwa Mlevi munyaki zina laki Yahaziyeli. Yehova wangukamba kuti: “Muje ŵaka mumalu nginu, ndi kuma jo ndipu muwoni utaski waku Yehova wo waperekengi chifukwa chaku yimwi.” (2 Mbiri 20:13-17) Kukamba uneneska nkhondu achita viyo cha! Kweni ulongozgi uwu ungutuliya ku munthu cha, kweni kwaku Yehova. Yehosafati wanguvwiya ulongozgi wenuwu chifukwa chakuti wathembanga Chiuta waki ndi mtima wosi. Iyu ndi ŵanthu ŵaki, ŵati aluta kuchikumana ndi arwani, kunthazi kwa gulu laki lankhondu wanguŵikaku asilikali alusu ukongwa cha, kweni akumba sumu ambula vidya. Yehova wangufiska vo wangulayizga Yehosafati ndipu wanguthereska arwani ŵawu.—2 Mbiri 20:18-23.
Fundu Zakuzirwa za mu Bayibolu
it-1 1271 ¶1-2
Yehoramu
Yehoramu wangulondo cha nthowa za urunji za awisi a Yehosafati chifukwa cha vinthu viheni vo muwolu waki Ataliya wachitanga. (2Mf 8:18) Yehoramu wangubaya abali ŵaki 6 limoza ndi alongozgi anyaki aku Yuda kweniso wanguchitiska kuti ŵanthu wo waŵalamuliyanga ayambi kusopa achiuta aboza. (2Mb 21:1-6, 11-14) Ulamuliru waki wosi ungutimbanyizika. Chakwamba, Aedomu angumugarukiya, pavuli paki ŵanthu a mutawuni ya Libina nawu angugarukiya Yuda. (2Mf 8:20-22) Mukalata yo Eliya wangulembe Yehoramu, wanguŵatcheŵesa kuti: “Yehova waŵalangengi ukongwa ŵanthu ŵaku, ŵana ŵaku, awolu ŵaku, kweniso wanangengi vinthu vaku vosi.” Kweniso Eliya wangukambiya Fumu Yehoramu kuti “utamengi matenda nganandi, kusazgapu nthenda yo yikongi matumbu ngaku, mpaka po matumbu ngaku ngazamutuliya kubwalu chifukwa cha matenda ngenanga ngo utamengi zuŵa ndi zuŵa.”—2Mb 21:12-15.
Vinguchitika nge mo Eliya wangukambiya. Yehova wanguzomereza Afilisiti kweniso ŵanthu a ku Arabu kulonda charu chawu ndipu anguto awolu aku Yehoramu kweniso ŵana ŵaki anthulumi ndi kuluta nawu ku ukapolu. Chiuta wanguzomereza kuti Yehoyahazi (waziŵikanga so kuti Ahaziya), yo wenga mwana mumana ukongwa waku Yehoramu wathaŵi. Iyu wanguchita venivi kuti wavikiliyi phanganu la Ufumu lo wanguchita ndi Davidi. “Vosi ivi vati vachitika, Yehova wangulanga Yehoramu ndi nthenda yambula kuchizgika yo yinguko matumbu ngaki.” Pati pajumpha vyaka viŵi, “matumbu ngaki ngangutuliya kubwalu,” ndipu pavuli paki wangufwa. Mwenumu ndimu munthu muheni mwenuyu wangufwiya ndipu “palivi yo wangudandawula iyu wati wafwa.” Iyu angumuŵika mu Tawuni yaku Davidi, “kweni angumuŵika mumasanu nga mafumu cha.” Mwana waki Ahaziya ndiyu wangwamba kulamuliya mumalu mwaki.—2Mb 21:7, 16-20; 22:1; 1Mb 3:10, 11.
MAY 15-21
CHUMA CHAKUTULIYA MU MAZU NGAKU CHIUTA | 2 MBIRI 22-24
“Yehova Wapereka Mphotu ku Ŵanthu wo Achita Vinthu Mwachiganga”
w09-CN 4/1 24 ¶1-2
Yoasi Anasiya Kutumikira Yehova Chifukwa Chocheza ndi Anthu Ochita Zoipa
INALI nthawi yovuta kwambiri ku Yerusalemu, mzinda umene kunali kachisi wa Mulungu. Panthawiyi, Mfumu Ahaziya anali atangophedwa kumene. Ndipo zimene Ataliya, yemwe anali mayi wake wa Ahaziya anachita zinali zovuta kumvetsa. Iye anapha zidzukulu zake, ana aamuna a Ahaziya. Kodi ukudziwa chifukwa chimene anachitira zimenezi?—Iye anatero kuti akhale wolamulira m’malo mwa zidzukulu zakezo.
Komabe Yoasi, mmodzi mwa zidzukulu za Ataliya amene panthawiyi anali wakhanda, anapulumuka ndipo agogo akewo sanadziwe chilichonse. Kodi ukufuna kudziwa kuti anapulumuka bwanji?— Mwanayo anali ndi azakhali ake a Yoseba ndipo iwo anam’tenga n’kukamubisa mu kachisi wa Mulungu. Iwo anatha kukamubisa m’kachisi chifukwa amuna awo a Yehoyada anali mkulu wa ansembe. Choncho, awiriwa anaonetsetsa kuti mwanayo akutetezedwa.
w09-CN 4/1 24 ¶3-5
Yoasi Anasiya Kutumikira Yehova Chifukwa Chocheza ndi Anthu Ochita Zoipa
Yoasi anabisidwa m’kachisi kwa zaka 6, ndipo ali m’kachisimo, anaphunzitsidwa mfundo zonse zokhudza Yehova Mulungu ndi malamulo Ake. Kenako Yoasi atafika zaka 7, Yehoyada anachita zinthu zoti Yoasi akhale mfumu. Kodi ungakonde kudziwa mmene Yehoyada anachitira zimenezi ndiponso zimene zinachitikira mfumukazi yoipa Ataliya, yomwe inali agogo ake a Yoasi?—
Yehoyada anaitanitsa mwamseri asilikali olondera mafumu a ku Yerusalemu. Ndipo iye anawafotokozera mmene iye ndi mkazi wake anapulumutsira Yoasi, mwana wa Mfumu Ahaziya. Kenako, Yehoyada anatenga Yoasi n’kumusonyeza kwa asilikaliwo, ndipo iwo anaona kuti iye ndi amene anali woyenera kukhala mfumu. Choncho, anakonza njira yoti amulonge ufumu.
Yehoyada anatulutsira Yoasi kunja, n’kumuveka korona wachifumu. Zitatero anthu anayamba ‘kuwomba m’manja, nati, Mfumu ikhale ndi moyo.’ Asilikali olondera mfumu aja anam’zungulira Yoasi pomuteteza. Koma Ataliya atamva anthu akufuula chifukwa cha chisangalalo, anathamanga kuti akawaletse. Ndipo Yehoyada analamula kuti Ataliya aphedwe, ndipo asilikaliwo anamuphadi.—2 Mafumu 11:1-16.
it-1 379 ¶5
Masanu
Yehoyiyada yo wenga Wasembi Mura ndipuso murunji, wangutumbikika mwakuŵikika mumasanu “mu Tawuni yaku Davidi limoza ndi mafumu.” Ndipu ndiyu yija yo wenga mu mzeri wa mafumu cha yo wakambika kuti wangulonde ulemu waviyo.—2Mb 24:15, 16.
Fundu Zakuzirwa za mu Bayibolu
it-2 1223 ¶13
Zekariya
Mwana wa Wasembi Mura Yehoyiyada. Yehoyiyada wati wafwa, Fumu Yehowashi yinguleka kusopa kwauneneska, ndipu yingwamba kulondo ulongozgi uheni mumalu mwakulondo ulongozgi wakutuliya kwa achimi aku Yehova. Zekariya, yo wenga musiŵani waku Yehowashi (2Mb 22:11), wanguŵatcheŵesa chifukwa cha venivi, kweni mumalu mwakulapa, yiwu angumuponya ndi mya mubalaza la nyumba yakusopiyamu. Zekariya wachifwa wangukamba kuti: “Yehova wawoni vo wachita ndipu wakumbi mulandu.” Vo Zekariya wangupempha vingufiskika chifukwa ŵanthu a ku Siriya angubwanganduwa charu cha Yuda kweniso Yehowashi wangubayika ndi ateŵeti ŵaki ŵaŵi “chifukwa wangudira ndopa za ŵana anthulumi a wasembi Yehoyiyada.” Bayibolu la Chigiriki la Septuagint kweniso la Chilatini la Vulgate likamba kuti Yehowashi wangubayika kuweze ndopa za “mwana” waku Yehoyiyada. Kweni mumpukutu wa Amasoreti kweniso Bayibolu la Syriac Peshitta, akulemba kuti “ŵana.” Panyaki akugwiriskiya ntchitu mazu ngakuti “ŵana” pakukhumba kulongo kuti Zekariya mwana waku Yehoyiyada, yo wenga mchimi kweniso wasembi, wenga murunji kweniso wakuzirwa ukongwa.—2Mb 24:17-22, 25.
MAY 22-28
CHUMA CHAKUTULIYA MU MAZU NGAKU CHIUTA | 2 MBIRI 25-27
“Yehova Wangakupaskani Vinandi Kuluska Penipo”
it-1 1266 ¶6
Yehowashi
Yehowashi wangulembera asilikali a ku Yuda masauzandi nganandi kuti akalimbani ndi Aedomu. Kweni chifukwa chakuvwiya ulongozgi wakutuliya kwa “munthu waku Chiuta wauneneska,” wanguŵaweza asilikalli ŵenaŵa. Chinanga kuti iyu wanguŵalipiliya limu matalenti nga siliva ngakukwana 100, asilikali ŵenaŵa angukwiya chifukwa chakuwaweze kwawu. Panyaki yiwu angukwiya chifukwa chakuwona kuti ataya mwaŵi wakuchichitaku nkhondu. Mwaviyo ŵati awerere, anguyukiya matawuni nga ufumu wa kumwera, kutuwa ku Samariya (panyaki ndiku kwenga msasa wawu wankhondu) mpaka ku Beti-horoni.—2Mb 25:6-10, 13.
w21.08 30 ¶16
Kumbi ‘Tingalaŵa’ Wuli Kuti Tiwoni Kuti Yehova Ngwamampha?
Mujiperekengi kuti muteŵete Yehova. Ndi chechosi cha cho tikhumbika kuleka kuti tikondwesi Yehova. (Waku. 5:19, 20) Kweni asani tileke dala kuchita vinandi pakuteŵete Chiuta chifukwa chakuti tikhumba cha kuleka vinthu vinyaki vo titanja, ndikuti tinganangisa nge mo wanguchitiya mnyamata wa muntharika yaku Yesu yo wayanjanga ukongwa vinthu vakuliŵavu mumalu mwakwanja Chiuta. (Ŵerengani Luka 12:16-21.) Mubali munyaki zina laki Christian yo waja ku France, wangukamba kuti: “Ndachitanga vinandi cha pakuteŵete Yehova kweniso pakovya banja langu.” Iyu ndi muwolu waki angusankha kuti ayambi kuchita upayiniya. Kuti afiski chilatu chenichi, akhumbikanga kuleka ntchitu zo agwiranga. Kuti asaniyengi vinthu vakukhumbika, yiwu angwamba kuchita maganyu, nge kutowesa maofesi kweniso nyumba ndipu angusambira kukhorwa ndi ndalama zimanavi zo asaniyanga. Kumbi yiwu atumbikika wuli? Christian wangukamba kuti: “Tikondwa ukongwa ndi uteŵeti kweniso kuwona kuti masambiru nga Bayibolu ndipuso maulendu ngakuweriyaku ngasambira vakukwaskana ndi Yehova”
Fundu Zakuzirwa za mu Bayibolu
w07-CN 12/15 10 ¶1-2
Kodi Muli ndi Mlangizi pa Zauzimu?
UZIYA anakhala mfumu ya ufumu wa kum’mwera wa Yuda ali ndi zaka 16 zokha. Analamulira kwa zaka zoposa 50, kuyambira mu 829 B.C.E. mpaka mu 778 B.C.E. Kuyambira ali mwana, Uziya ‘anachita zoongoka pamaso pa Yehova.’ Kodi n’chiyani chinam’thandiza kuchita zinthu zoyenera? Nkhani ya m’Baibulo imati: ‘Uziya anali munthu wakufuna Mulungu m’masiku a Zekariya, . . . [wolangiza kuopa Mulungu woona] ndipo masiku akufunira Yehova iye, Mulungu anam’lemereza.’—2 Mbiri 26:1, 4, 5.
Ndi nkhani yokhayi m’Baibulo imene imafotokoza za Zekariya yemwe anali mlangizi wa mfumu. Komabe, Zekariya monga “wolangiza kuopa Mulungu woona,” anathandiza kwambiri mfumu yachinyamatayo kuchita zoyenera pa maso pa Yehova Mulungu. Buku lina lofotokoza Baibulo (lotchedwa Expositor’s Bible) limati, n’zodziwikiratu kuti Zekariya “anali munthu wodziwa bwino malemba ndiponso zinthu zauzimu komanso wodziwa kuphunzitsa zimene ankadziwazo.” Katswiri wina wa Baibulo anafika ponena za Zekariya kuti: “Ankadziwa kwambiri maulosi ndiponso . . . anali wanzeru, wodzipereka, munthu wabwino, ndipo zikuoneka kuti iyeyu ndi amene anathandiza kwambiri Uziya.”
MAY 29–JUNE 4
CHUMA CHAKUTULIYA MU MAZU NGAKU CHIUTA | 2 MBIRI 28-29
“Mungateŵete Yehova Chinanga Kuti Apapi Ŵinu Ŵenga Chakuwoniyapu Chamampha Cha”
w16.02 14 ¶8
Muyezgengi Ŵanthu Wo Ŵenga pa Ubwezi ndi Yehova
Mwakupambana ndi Ruti, Hezekiya wanguwiya mu mtundu wo wateŵetiyanga Yehova mwakugomezeka. Kweni mbayisraele wosi cha wo ateŵetiyanga Yehova. Mwakuyeruzgiyapu, Fumu Ahazi, awiski aku Hezekiya, ateŵetiyanga Yehova cha. Fumu yiheni yeniyi, yinguchitisa kuti a Yuda ayambi kusopa angoza ndipu yachitanga vinthu viheni mu nyumba yakusopiyamu yaku Yehova yo yenga ku Yerusalemu. Yinguwotcha so ŵana ŵaki anyaki pa motu ndi chilatu chakuti yipereki sembi kwa achiuta aboza. Hezekiya wangulereke mu banja liheni ukongwa.—2 Ŵakar. 16:2-4, 10-17; 2 Mik. 28:1-3.
w16.02 14 ¶9-11
Muyezgengi Ŵanthu Wo Ŵenga pa Ubwezi ndi Yehova
Chatingi chiŵengi chipusu Hezekiya kukwiyiya Chiuta chifukwa cha mo wangukuliya. Ŵanthu anyaki aŵanaŵana kuti ŵe ndi chifukwa chakuvwika ‘chakukwiyiya Yehova’ ndi gulu laki. Aŵanaŵana viyo chinanga kuti masuzu ngo akumana nangu ngamana kuyeruziya ndi ngo wangukumana nangu Hezekiya. (Nthanthi 19:3) Anyaki awona kuti mbakutondeka chifukwa cha mo apapi ŵawu akuŵalere. Aŵanaŵana kuti nawu achitengi vinthu viheni vo apapi ŵawu achitanga. (Ezek. 18:2, 3) Kumbi uwu mbunenesa?
Awa. Tikamba viyo chifukwa cha vo Hezekiya wanguchita. Palivi chifukwa chakuvwika chakukwiyiya Yehova, chifukwa ndiyu cha wachitisa masuzu ngo ngachitika mu charu. (Jobu 34:10) Mbunenesa kuti ŵana angatoliyaku vinthu vamampha pamwenga viheni vo apapi ŵawu achita. (Nthanthi 22:6; Ŵakol. 3:21) Kweni nkharu ya munthu yithemba mo apapi ŵaki akumulere cha. Tosi Yehova wakutipasa wanangwa wakusankha. Tingasankha tija vo tikhumba kuchita. (Mar. 30:19) Kumbi Hezekiya wanguwugwirisiya wuli ntchitu wanangwa uwu?
Chinanga kuti awiski aku Hezekiya yenga fumu yiheni ukongwa, kweni Hezekiya yenga fumu yamampha ukongwa. (Ŵerengani 2 Ŵakaronga 18:5, 6.) Awiski achitanga vinthu viheni, kweni iyu wangukhumba cha kulondo vo awiski achitanga. Wangusankha kuvwisiya kwa achimi aku Yehova nge Yesaya, Mika ndi Hoseya. Wavwisiyanga ukongwa ulongozi wawu. Mwaviyo, Hezekiya wangunoza vinthu vo awiski angunanga. Wangutowesa nyumba yakusopiyamu, wangupeleka sembi yakupepeske uheni wo ŵanthu achitanga kweniso wanguphwanya achiuta aboza. (2 Mik. 29:1-11, 18-24; 31:1) Senakaribu fumu ya ku Asiriya yati yayukiya Yerusalemu, Hezekiya wangulongo kuti wenga ndi chiganga kweniso chivwanu. Iyu wanguthemba Chiuta ndipu wangukambiya ŵanthu ŵaki kuti angachitanga mantha cha. (2 Mik. 32:7, 8) Pa nyengu yinyaki, Hezekiya wangujikweza. Kweni Yehova wati wamuchenya, wangujiyuyuwa ndipu wangulapa. (2 Mik. 32:24-26) Ivi vilongo kuti Hezekiya wangukhumba cha kuti walondo nkharu yiheni ya awiski. M’malu mwaki, wangulongo kuti wenga mubwezi waku Yehova. Ndimu nasi titenere kuchitiya.
Fundu Zakuzirwa za mu Bayibolu
w12-CN 2/15 24-25
Natani Anali Wokhulupirika Ndipo Ankalimbikitsa Kulambira Koona
Popeza Natani ankalambira Yehova mokhulupirika, analimbikitsa Davide kuti amange nyumba yoyamba yoti azilambiriramo Mulungu padziko lapansi. Koma zikuoneka kuti pa nthawiyi, Natani anangonena maganizo ake m’malo monena zinthu m’dzina la Yehova. Ndiyeno usiku womwewo Mulungu anauza mneneriyu kuti akanene kwa mfumuyo uthenga wosiyana ndi umene ananena poyamba. Anakamuuza kuti samanga kachisi wa Yehova. Munthu woti adzamange kachisiyu anali mwana wa Davide. Koma Natani ananenanso kuti Mulungu akuchita pangano ndi Davide lakuti mpando wake wachifumu “udzakhazikika mpaka kalekale.”—2 Sam. 7:4-16.
Maganizo a Mulungu anasiyana ndi zimene Natani ananena zokhudza kumanga kachisi. Izi zitachitika, mneneri wodzichepetsayu sananyinyirike, m’malomwake anagonjera ndi kuchita zinthu mogwirizana ndi cholinga cha Yehova. Apatu anapereka chitsanzo chabwino kwambiri cha zimene tiyenera kuchita ngati Mulungu akutiwongolera pa nkhani inayake. Zimene Natani anachita pambuyo pa nkhani imeneyi zikusonyeza kuti ubwenzi wake ndi Mulungu unali wabwinobe. Ndipotu zikuoneka kuti Yehova anauzira Natani ndi Gadi, yemwe anali wamasomphenya, kuti alimbikitse Davide kukhazikitsa anthu 4,000 oti azidzaimbira Yehova pakachisi.—1 Mbiri 23:1-5; 2 Mbiri 29:25.
JUNE 5-11
CHUMA CHAKUTULIYA MU MAZU NGAKU CHIUTA | 2 MBIRI 30-31
“Kuwungana Pamoza Nkhwakukhumbika Ukongwa”
it-1 1103 ¶2
Hezekiya
Wenga ndi Phamphu Pa Kusopa Kwauneneska. Hezekiya wangulongo kuti wenga ndi phamphu pa kuteŵete Yehova wati waja ŵaka fumu we ndi vyaka 25. Chinthu chakwamba cho wanguchita, chenga kwamba so kugwiriskiya ntchitu nyumba yakusopiyamu kweniso kuyinozga. Pavuli paki iyu wangukambiya asembi ndi Alevi kuti: “Sonu mtima wangu ukhumbisiska kuchita phanganu ndi Yehova Chiuta waku Isirayeli.” Lenili lenga phanganu lakugomezgeka, ndipu chinanga kuti phanganu la Dangu lenga leche kugwira ntchitu kweni yiwu alilondonga cha. Hezekiya wanguchitiska kuti phanganu lakugomezgeka lenili liyambi kugwira ntchitu mu Yuda. Ndi mtima wosi, iyu wanguchitiska kuti Alevi ayambi so uteŵeti wawu, ndipu wangujalikiskaso ndondomeku yakuti ambengi sumu zakuthamika Chiuta. Wenuwu wenga mwezi wa Nisani wakuti achitiyi Pasika, kweni nyumba yakusopiyamu yenga yakufipiskika ndipu asembi ndi Alevi nawu ŵenga akufipiskika. Pa zuŵa la 16 la mwezi wa Nisani, nyumba yakusopiyamu yingutoweseka kweniso viyaŵi vaki vinguwezekiyamu. Pavuli paki, pakhumbikanga sembi yapade yakubenekere maubudi nga Ayisirayeli wosi. Chakwamba, alongozgi anguza ndi sembi, sembi za ubudi za mpingu wosi, za malu ngakusopiyamu, kweniso za ŵanthu wosi, kweniso angupereka sembi zakupiriza za ŵanthu wosi.—2Mb 29:1-36.
it-1 1103 ¶3
Hezekiya
Chifukwa chakuti ŵanthu ŵenga ambula kutoweseka ndipu anguchita cha Paskika pa nyengu yaki, Hezekiya wangugwiriskiya ntchitu dangu lo lazomerezanga kuti ŵanthu ambula kutoweseka angachita Pasika asani pajumpha mwezi. Iyu wangutumiza makalata ku ŵanthu wosi a ku Yuda kweniso ku Yisirayeli mwakugwiriskiya ntchitu ŵanthu wo atchimbiyanga mucharu chosi kutuwa ku Beresheba mpaka ku Dani. Ŵanthu anandi mucharu chenichi aŵanenanga kweniso kuŵaseka kweni ŵanthu a mu fuku laku Ashere, Manasi ndi Zebuloni, angujiyuyuwa ndipu anguza. Ŵanthu anyaki a mu fuku laku Efurayemu ndi Isakara nawu so anguza. Chinanga kuti asuskikanga, ŵanthu anandi wo ŵenga Ayisirayeli cha kweni asopanga Yehova nawu anguza. Vitenere kuti venga vakusuzga ukongwa ku ŵanthu wo ayanjanga kusopa kwauneneska mu ufumu wakunkhondi kuti ŵazi. Mwakuyanana ndi ŵanthu wo angutumika kuti akapereki uthenga, ŵanthu ŵenaŵa nawu atingi asuskikengi kweniso kunyozeka chifukwa chakuti ŵanthu a mu ufumu wa mafuku 10 vinthu vaŵayendiyanga umampha cha, asopanga achiuta aboza kweniso atombozgekanga ndi Asiriya.—2Mb 30:1-20; Nu 9:10-13.
it-1 1103 ¶4-5
Hezekiya
Ŵati amala Pasika, anguchita Phwandu la Chiŵandi Chambula Chakutupisa kwa mazuŵa 7 ndipu ŵanthu wosi wo anguwungana angukondwa ukongwa mwakuti angusankha kuti achiti so phwandu ili kwa mazuŵa nganyaki 7. Chinanga kuti yenga nyengu yakusuzga, kweni Yehova wanguŵatumbika ndipu “mu Yerusalemu mwenga likondwa likulu, pakuti kutuliya mu mazuŵa ngaku Solomoni mwana waku Davidi fumu ya ku Isirayeli, chinthu cha nge ichi chenga chechendachitikepu mu Yerusalemu.”—2Mb 30:21-27.
Chifukwa cha vo ŵanthu anguchita, vingulongole limu kuti yiwu angusintha kwa kanyengu kamanavi ŵaka cha kweni kwenga kuweziyapu kusopa kwauneneka. Ŵechendawere kunyumba zawu, Ayisirayeli wosi wo ŵengapu anguphwanya vipilala vakupaturika, anguwisa malu ngapachanya kweniso maguŵa ngasembi, angucheketa mapolu ngakupaturika mu Yuda mosi ndi mu Benjamini kweniso muchigaŵa cha Efurayemu ndipuso cha Manasi. (2Mb 31:1) Hezekiya wangulongo chakuwoniyapu chamampha ndipu wanguphwanya njoka ya mkuŵa yo Mozesi wangupanga chifukwa chakuti ŵanthu ayisopanga kweniso aperekenga sembi za josi ku njoka yeniyi. (2Mf 18:4) Ŵati amaliza phwandu, Hezekiya wangusimikiza kuti walutirizgengi kusopa kwauneneska ndipu wanguŵika asembi mu magulu ngawu kweniso wangukambiya ŵanthu kuti awovyengi pa ntchitu za pa nyumba yakusopiyamu. Iyu wangukambiya ŵanthu kuti avwiyengi Dangu la chakhumi kweniso aperekengi vipasu vakwamba vo venga vakwenere kuperekeka kwa asembi ndi Alevi, ndipu ŵanthu anguvwiya ndi mtima wosi.—2Mb 31:2-12.
Fundu Zakuzirwa za mu Bayibolu
w18.09 6 ¶14-15
“Asani Muziŵa Vinthu Venivi ndi Kuvichita, Mujengi Akukondwa”
Nthowa yinyaki yo tingalongore kuti te akujiyuyuwa nkhuvwisiya asani anyidu alongoro. Pa Yakobe 1:19 pakamba kuti titenere ‘kuja apusu kuvwa.’ Tingasambira kwaku Yehova pa nkhani iyi. (Chiya. 18:32; Yoswa 10:14) Ŵanaŵaniyani vo mungasambira pa nkhani yo ye pa Chituwa 32:11-14. (Ŵerengani.) Yehova wangumupaska mwaŵi Mozesi kuti wakonkhoski maŵanaŵanu ngaki, chinanga kuti wakhumbikanga ulongozgi waki cha. Palivi munthu yo wangavwisiya ndi kulondo ulongozgi wa munthu yo wanangiska vinthu. Kweni Yehova wavwisiya ŵanthu wo apemphera kwaku iyu mu chivwanu.
Weyosi waku isi watenere kujifumba kuti: ‘Asani Yehova ndiyu wangujiyuyuwa ndi kuvwisiya kwaku Abrahamu, Rakelu, Mozesi, Yoswa, Manowa, Eliya ndi Hezekiya, kumbi nani nditenere cha kutumbika abali mwakuvwisiya maŵanaŵanu ngawu ndi kuchita vinthu vamampha vo andikambiya? Kumbi mu mpingu pamwenga mu banja langu mwe munthu munyaki yo wakhumba kuti wakambiskani nani? Kumbi nditenere kuchita wuli ndi nkhani iyi?’—Chiya. 30:6; Ŵeru. 13:9; 1 Ŵakaro. 17:22; 2 Miko. 30:20.
JUNE 12-18
CHUMA CHAKUTULIYA MU MAZU NGAKU CHIUTA | 2 MBIRI 32-33
“Muchiskengi Abali ndi Azichi Panyengu ya Masuzgu”
it-1 204 ¶5
Asiriya
Senakeribu. Mu chaka cha 14 cha ulamuliru waku Hezekiya (732 B.C.E.), Senakeribu mwana waku Sarigoni II, wanguyukiya ufumu wa Yuda. (2Mf 18:13; Yes 36:1) Hezekiya wangugarukiya fumu ya ku Asiriya ndipu wangukana kuyiteŵete pakuti awisi a Ahazi ndiwu anguchitiska kuti ayiteŵetiyengi. (2Mf 18:7) Chifukwa cha venivi, Senakeribu wanguyukiya Yuda, ndipu wanguphanga matawuni 46 (yeruzgiyani ndi Yes 36:1, 2). Pavuli paki, we ku msasa waki ku Lakishi, Senakeribu wangulamula Hezekiya kuti wapereki msonkhu wakukwana matalenti 30 nga golidi (c. $11,560,000) kweniso matalenti 300 nga siliva (c. $1,982,000). (2Mf 18:14-16; 2Mb 32:1; yeruzgiyani ndi 8:5-8.) Chinanga kuti Hezekiya wangupereka ndalama izi, kweni Senakeribu wangutumiza nthumi zaki ku Yerusalemu kuti zikakambiyi Hezekiya kuti watheri ŵaka. (2Mf 18:17–19:34; 2Mb 32:2-20) Yehova wangubaya asilikali 185,000 mu usiku umoza pe ndipu venivi vinguchitiska kuti Asiriya aleki kuchita nkhondu ndipu anguwere ku Nineve. (2Mf 19:35, 36) Pavuli paki iyu wangubayika ndi ŵana ŵaki ŵaŵi, ndipu mwana waki Esari-hadoni ndiyu wangwamba kulamuliya. (2Mf 19:37; 2Mb 32:21, 22; Yes 37:36-38) Vinthu vosi vo vinguchitika kupatuwaku ŵaka nkhani ya kubayika kwa asilikali a Asiriya, vikulembeka pa mwa wakusema wo akulembapu mbiri yaku Senakeribu ndi yaku Esari-hadoni.—VITHUZI, Vol. 1, p. 957.
w13 11/1 19 ¶12
Kumbi Aliska 7 Kweniso Akaronga 8 Mbayani Mazuŵa Nganu?
Yehova ngwakukhumbisiska nyengu zosi kutiwovya pa vinthu vo titondeka kuchita, kweni wakhumba kuti tiyesesengi kuchita vo tingafiska. Hezekiya wangukumana ndi “akaronga ŵaki ndi ŵanthu ŵaki vilimbi” ndipu wosi angujala “visimi va kubwalu ku muzi . . . ndipuso [Hezekiya] wanguchita ndi phamphu, wanguzenga linga posi po pangupasuka ndi kuzengapu vitanthali, kubwalu kwaki wanguzenga linyaki so, . . . ndipuso wangusura mahomwa [vidya] ndi nguru zinandi.” (2 Mik. 32:3-5) Ivi vilongo kuti Yehova wangugwiriskiya nchitu ŵanthu anthazi nge Hezekiya ndi akaronga ŵaki kweniso achimi wo ayanjanga Chiuta, kuti wavikiliyi kweniso kuliska ŵanthu Ŵaki pa nyengu iyi.
w13 11/1 19 ¶13
Kumbi Aliska 7 Kweniso Akaronga 8 Mbayani Mazuŵa Nganu?
Vo Hezekiya wanguchita pavuli paki venga vakukhumbika ukongwa kuluska kujala maji pamwenga kuzenga so mo mpanda ungupasuka. Nge muliska wamampha, Hezekiya wanguwunganiska Ayuda ndipu wanguŵachiska ndi mazu ngakuti: “Khomani ndi kukhwima mtima, mungopanga pamwenga kutenthema chifukwa cha karonga wa Asiriya . . . chifukwa kwe yumoza pamoza nasi yo ngwanthazi kuruska yo we ndi iyu. Kwaku iyu kwe janja la liŵavu la nyama; kweni kwaku ifwi kwe Ambuya Chiuta widu, kutovya ndi kurwa nkhondu zidu.” Mazu yanga nganguŵachiska ukongwa, nganguŵakumbuska kuti Yehova ndiyu warwiya nkhondu ŵanthu ŵaki. Ŵati ŵavwa mazu yanga, Ayuda “anguchinthiskika, kuyegeme pa mazu ngaku Hezekiya karonga wa ku Yuda.” Mukhoza kuwona kuti “mazu ngaku Hezekiya” nganguŵajalika mtima pasi. Iyu, akaronga ŵaki, ŵanthu anthazi kweniso achimi nge Mika ndi Yesaya achitanga vinthu vakulongo kuti ŵenga aliska amampha, nge mo Yehova wangukambiya kuporote mwa mchimi waki.—2 Mik. 32:7, 8; ŵerengani Mika 5:5, 6.
Fundu Zakuzirwa za mu Bayibolu
w21.10 4-5 ¶11-12
Kumbi Kulapa Chayiku Kung’anamuwanji?
Pati pajumpha nyengu, Yehova wangumuka mapempheru ngaku Manasi. Iyu wanguwona kuti Manasi wasintha chifukwa cha vo wazumbuwanga mumapempheru ngaki. Yehova wangumuka mapempheru ngaku Manasi ndipu wangumuweze so pa ufumu. Manasi wanguyesesa kuchitapu kanthu kuti walongo kuti walapa nadi. Iyu wanguchita vinthu vo Ahabu wanguchita cha. Iyu wangusintha nkharu yaki. Manasi wangumalisa kusopa kwaboza ndipu wanguchiska ŵanthu kuti asopengi Yehova. (Ŵerengani 2 Mbiri 33:15, 16.) Manasi wakhumbikanga kuja ndi chiganga kweniso chivwanu kuti wachiti venivi chifukwa kwa vyaka vinandi iyu wenga chakuwoniyapu chamampha cha ku banja laki, ŵanthu ŵaki akuzirwa kweniso ku ŵanthu ŵaki. Kweni sonu kwati kwaja vyaka vimanavi kuti wafwi, Manasi wanguyesesa kuleka vinthu viheni vo wachitanga. Ivi viwoneke limu kuti wenga chakuwoniyapu chamampha ku mzuku waki Yosiya, yo pavuli paki wanguzija fumu yamampha ukongwa.—2 Mafu. 22:1, 2.
Kumbi tingasambiranji kwaku Manasi? Iyu wangujiyuyuwa ndipuso wanguchita vinandi. Wangupemphera kuti Yehova wamuchitiyi lisungu ndipu wangusintha nkharu yaki. Iyu wangufwiyapu kunozga vinthu vo wangunangisa ndipu wanguyesesa kusopa Yehova kweniso kovya ŵanthu anyaki kuti nawu asopengi Yehova. Chakuwoniyapu chaku Manasi chitovya ŵanthu wo achita vinthu viheni ukongwa. Tiwona ukaboni wanthazi wakuti Yehova ndi Chiuta “wamampha ndipuso wakunozgeka kugowoka.” (Salimo 86:5) Iyu wagowoke ŵanthu wo alapa ndi mtima wosi.
JUNE 19-25
CHUMA CHAKUTULIYA MU MAZU NGAKU CHIUTA | 2 MBIRI 34-36
“Kumbi Muyanduwa Mwakukwana ndi Mazu Ngaku Chiuta?”
it-1 1157 ¶4
Hulida
Yosiya wati wavwa mazu nga “mubuku la Dangu” lo Hilikiya wasembi mura wangusaniya pa nyengu yo anozganga nyumba yakusopiyamu, iyu wangutuma ŵanthu kuti akafumbi kwaku Yehova. Yiwu anguluta kwaku Hulida, ndipu iyu wanguŵakonkhoske mazu ngakutuliya kwaku Yehova ngo ngakambanga kuti masoka ngosi ngo ngakulembeka “mubuku” ngawiyengi mtundu wa Yisirayeli wo wenga wambula kuvwiya. Hulida wangukamba so kuti, chifukwa chakuti Yosiya wajiyuyuwa pamasu paku Yehova, soka lo lizengi waliwonengi cha kweni watolekiyengi kwa apapi ŵaki akali kweniso waŵikikengi mumuwunda waki mwachimangu.—2Mf 22:8-20; 2Mb 34:14-28.
w09-CN 6/15 10 ¶20
Khalani Achangu pa Nyumba ya Yehova!
Mfumu Yosiya anauza anthu kuti akonzenso kachisi. Pa ntchito imeneyi, Hilikiya yemwe anali Mkulu wa Ansembe, “anapeza buku la chilamulo la Yehova mwa dzanja la Mose.” Iye anapereka bukulo kwa Safani yemwe anali mlembi ndipo Safaniyo anamuwerengera Yosiya bukulo. (Werengani 2 Mbiri 34:14-18.) Ndiye kodi mfumu Yosiya anatani? Nthawi yomweyo iye anang’amba zovala zake chifukwa cha chisoni ndipo anauza anthu kuti apemphere kwa Yehova. Kudzera mwa mneneri wamkazi, dzina lake Hulida, Mulungu anapereka uthenga wodzudzula miyambo ya chipembedzo imene inkachitika mu Yuda. Ngakhale kuti Yehova analosera za tsoka limene mtundu wonsewo unadzakumana nalo, Iye anaona ndiponso anayamikira khama limene Yosiya anasonyeza pochotsa kulambira mafano. (2 Mbiri 34:19-28) Kodi tikuphunzirapo chiyani pamenepa? Tiyenera kukhala ndi mtima umene Yosiya anali nawo. Tikamva malangizo a Yehova tiyenera kuwatsatira mwamsanga. Tiyeneranso kukumbukira zimene zingachitike ngati mwapang’onopang’ono tikuyamba kuchita za mpatuko kapena zosakhulupirika. Tikamatero sitikayika ngakhale pang’ono kuti Yehova akuona ndipo akuyamikira khama limene tikusonyeza pa kulambira koona, ngati mmene anachitira ndi Yosiya.
Fundu Zakuzirwa za mu Bayibolu
w17.03 27 ¶15-17
Kumbi Tisambiranjipu pa Vo Vinguchitika Munyengu Yakali?
Nanga ntchinthu wuli cho tingasambirapu pa vo vinguchitikiya Fumu yamampha Josiya? Ŵanaŵaniyani vo vinguchitisa kuti waphaliki nkhondu kweniso wafwi. (Ŵerengani 2 Mikoka 35:20-22.) Josiya “wanguluta kuchichita nkhondu” ndi Fumu Neko ya ku Egipiti chinanga kuti yingumukambiya kuti yinguza kuzilimbana ndi iyu cha. Bayibolu likamba kuti vo Neko wangukamba, vingutuliya “mumulomu mwaku Chiuta.” Nanga ntchifukwa wuli Josiya wanguluta mbwenu kuchipumana nayu? Bayibolu likamba cha.
Kumbi Josiya watingi waziŵengi wuli kuti mazu ngo Neko wangukamba ngangutuliya nadi kwaku Yehova? Iyu watingi wafumbengi Yeremiya, yo wenga yumoza mwa achimi akugomezeka. (2 Mik. 35:23, 25) Kweni Bayibolu likambapu cha kuti wanguchita viyo. Neko wakanga ku Karchemishi kuchichita nkhondu ‘ndi mtundu unyaki.’ Iyu walutanga ku Yerusalemu cha. Kusazgiyapu yapa, zina laku Chiuta lakwaskikanga cha chifukwa Neko wanyozanga Yehova cha pamwenga ŵanthu ŵaki. Mwaviyo, Josiya wanguŵanaŵana umampha cha kuti wachiti nkhondu ndi Neko. Kumbi pe fundu yo tingasambirapu pa nkhani yeniyi ndi kuyigwirisiya ntchitu? Asani takumana ndi suzgu, tingachita umampha kuŵanaŵaniya mo Yehova watiyiwone nkhani yo.
Asani takumana ndi suzgu, tikhumbika kuŵanaŵaniya fundu za m’Bayibolu zo zingakwaskana ndi nkhani yo ndi kuzigwirisiya ntchitu mu nthowa yakwenere. Pangaŵa nkhani zinyaki zo tingakhumbika kufumba ŵara kuti atiwovyi. Tingayamba dankha kuŵanaŵaniya vinthu vo tiziŵa kali pa nkhani yo ndipuso kufufuza mumabuku ngidu. Kweni pangaŵa so fundu zinyaki za m’Bayibolu zo tingakhumbika kuziŵanaŵaniya zo mura wangatiwovya kuti tizivwisi. Mwakuyeruzgiyapu, muzichi wangaziŵa kuti we ndi udindu wakupharazga uthenga wamampha. (Mac. 4:20) Zuŵa linyaki wangakhumba kuluta kuchipharazga kweni murumu waki yo ndi Kaboni cha, wangamukambiya kuti wangalutanga cha. Munthurumi yo wangakamba kuti pajumpha nyengu kutuliya po anguchitiyapu vinthu limoza. Mwaviyo, wakhumba kuti achiti vinthu vinyaki ŵe limoza. Muzichi yo wangaŵanaŵaniya fundu zakovya zo zisanirika m’Bayibolu nge yakuti, tikhumbika kuvwiya Chiuta ndipuso kusambiza ŵanthu. (Mat. 28:1920; Mac. 5:29) Chinanga kuti ve viyo, watenere so kuŵanaŵaniya fundu yakuti munthukazi wakhumbika kujithereska kwa murumu waki kweniso kuchita vinthu mwazeru. (Ŵaef. 5:22-24; Ŵaf. 4:5) Kumbi murumu waki watimukaniziya limu kupharazga pamwenga wakhumba ŵaka kuti achitiyi limoza vinthu vinyaki pa zuŵa lenilo? Tikhumbika kuchita vinthu mwazeru kuti tichiti khumbu laku Chiuta ndipuso kuyesesa kuja ndi njuŵi yamampha.
JUNE 26– JULY 2
CHUMA CHAKUTULIYA MU MAZU NGAKU CHIUTA | EZRA 1-3
“Zomerezani Kuti Yehova Wakugwiriskiyeni Ntchitu”
w22.03 14 ¶1
Kumbi Muwona Vo Zekariya Wanguwona?
AYUDA angukondwa ukongwa. Yehova Chiuta “wanguchiska Fumu Sayirasi ya ku Peresi” kuti yifwatuwi Ayisirayeli wo anguja ku ukapolu ku Babiloni kwa vyaka vinandi. Fumu yingupharazga uthenga wakuti Ayuda awere kucharu chawu kuti ‘akazengi so nyumba yaku Yehova, Chiuta waku Isirayeli.’ (Ezara 1:1, 3) Venivi venga vakukondwesa ukongwa! Ivi vang’anamuwanga kuti Ayuda amukwamba so kusopa Chiuta wauneneska mucharu cho iyu wanguŵapaska.
w17.10 26 ¶2
Magareta Ndipuso Chisoti cha Ufumu Vikuvikiliyeni
Zekariya waziŵanga kuti Ayuda wo anguwere ku Yerusalemu ŵenga ndi chivwanu. Yiwu “anguchiskika ndi mzimu waku Chiuta wauneneska” kusiya nyumba zawu ndi mabizinesi ngawu vo awonanga kuti vaŵavikiliyanga. (Ezra 1:2, 3, 5) Angutuwamu mucharu cho anguchiziŵiliya, ndi kuluta kucharu cho anandi ŵenga ŵechendachiwonepu. Asani kuzenga nyumba yakusopiyamu kwenga kwambula kukhumbika, atingi ayendengi cha ulendu wakusuzga viyo. Ulendu uwu wenga wa makilomita pafupifupi 1,600 ndipu ayendanga mumapiri kweniso nthowa yaki yenga ya vibokuboku.
Fundu Zakuzirwa za mu Bayibolu
w06-CN 1/15 19 ¶1
Mfundo Zazikulu za M’buku la Ezara
1:3-6. Monga Aisrayeli ena amene anatsalira ku Babulo, pali a Mboni za Yehova ambiri amene sangathe kuchita utumiki wa nthawi zonse kapena kutumikira kumadera komwe kulibe olalikira okwanira. Komabe amachirikiza ndi kulimbikitsa anthu amene angathe kutero, ndipo mwakufuna kwawo, amapereka thandizo lopititsa patsogolo ntchito yolengeza Ufumu ndi kupanga ophunzira.