LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • Wangubaya Muvurwa Waki Chifukwa Chakukwiya
    Sambirani Nkhani za m’Bayibolu
    • Kayini wakwiya po Abelu wapereka sembi kwaku Yehova

      SAMBIRU 4

      Wangubaya Muvurwa Waki Chifukwa Chakukwiya

      Adamu ndi Heva ŵati adikiskika mumunda wa Edeni, ŵenga ndi ŵana anandi. Mwana wawu wakwamba Kayini wenga mulimi ndipu wachiŵi Abelu, wenga muliska wa viŵetu.

      Zuŵa linyaki Kayini ndi Abelu aperekanga sembi kwaku Yehova. Kumbi sembi ntchinthu wuli? Sembi ndi mphasu yakuzirwa. Yehova wangukondwa ndi sembi yo Abelu wangupereka kweni wangukondwa cha ndi sembi yaku Kayini. Ivi vinguchitiska kuti Kayini wakwiyi ukongwa. Yehova wangutcheŵeska Kayini kuti kukwiya kungamuchitisa kuti wachiti chinthu chiheni. Kweni Kayini wanguvwiya cha.

      Kayini wangukambiya Abelu kuti: ‘Tiyi tiluti kumunda.’ Pa nyengu iyi ŵenga ŵija ndipu Kayini wanguyukiya muvurwa waki ndi kumubaya. Kumbi Yehova watingi wachitengi wuli? Iyu wangulanga Kayini mwakumukambiya kuti wakaje kwakuyija, kutali ndi banja laki. Kayini wanguzomerezeka so cha kuwere ko kwajanga apapi ŵaki.

      Kayini waluta po wama Abelu mumunda

      Kumbi isi tingasambiranjipu pa vo vinguchitika? Tingayamba kukwiya chifukwa chakuti vinthu vichitika mu nthowa yo isi tikhumba cha. Asani tiwona kuti tilutirizga kukwiya pamwenga anyidu atitcheŵeska kuti tayamba kukwiya, tikhumbika kusintha mwaliŵi techendachiti vinthu viheni.

      Chifukwa chakuti Abelu wayanjanga Yehova kweniso wachitanga vinthu vamampha, Yehova wazakumuluwa cha. Iyu wazakumuyuska kuti wazije ndi umoyu pa nyengu yo wazamusintha charu kuja paradayisu.

      “Chakwamba kayanjani ndi mubali waku ndipu pavuli paki ukawe so kuzipereka mphasu yaku.”—Mateyu 5:24

      Mafumbu: Kumbi ŵana ŵaŵi akwamba aku Adamu ndi Heva ŵenga ayani? Ntchifukwa wuli Kayini wangubaya muvurwa waki?

      Genezesi 4:1-12; Aheberi 11:4; 1 Yohane 3:11, 12

  • Nowa Wangukhoma Chingaraŵa
    Sambirani Nkhani za m’Bayibolu
    • Noah and his family build the ark

      SAMBIRU 5

      Nowa Wangukhoma Chingaraŵa

      Pati pajumpha nyengu, pacharu chapasi penga ŵanthu anandi. Anandi mwa ŵanthu ŵenaŵa achitanga vinthu viheni. Angelu anyaki kuchanya angusintha kuja angelu aheni. Yiwu angutuwaku kuchanya ndipu anguza pacharu chapasi. Kumbi uziŵa chifukwa cho anguchitiya venivi? Yiwu akhumbanga kuto anthukazi. Mwaviyo, angusintha maliŵavu ngawu kuja nge ŵanthu.

      Angelu ŵenaŵa ŵati ato anthukazi, angubala ŵana. Ŵana wo, angukuwa ndi nthazi ndipu ŵenga a ndewu. Yiwu apwetekanga ŵanthu. Yehova wakhumbanga cha kuti vinthu va viyo vilutiriyi kuchitika. Mwaviyo, wanguŵanaŵana kuti wabayi ŵanthu wosi aheni ndi chigumula.

      Noah and his family build the ark and prepare food

      Penga munthu munyaki yo wapambananga ndi ŵanthu ŵenaŵa. Zina laki lenga Nowa ndipu wayanjanga Yehova. Iyu wenga ndi munthukazi ndi ŵana atatu. Mazina ngawu ngenga Shemu, Hamu ndi Yafeti ndipu weyosi wanguto munthukazi. Yehova wangukambiya Nowa kuti wakhomi chingaraŵa kuti iyu ndi banja laki aleki kufwa ndi Chigumula. Chingaraŵa ntchibokosi chikulu cho chingayanjama pamaji. Yehova wangukambiya so Nowa kuti waselezi nyama zinandi muchingaraŵa kuti nazu zileki kufwa.

      Nowa wangwamba nyengu yeniyo kukhoma chingaraŵa. Iyu ndi banja laki anguto vyaka pafupifupi 50 kuti amalizi kukhoma chingaraŵa. Yiwu anguchikhoma mwakukoliyana ndi vo Yehova wanguŵakambiya. Pa nyengu yeniyi, Nowa watcheŵesanga ŵanthu kuti kuzengi Chigumula. Kweni pengavi yo wangumuvwiya.

      Pakumaliya, Nowa ndi banja laki angusere muchingaraŵa. Tiyi tiwoni vo vinguchitika pavuli paki.

      “Nge mo ngenge mazuŵa ngaku Nowa, ndimu so kwazamuŵiya kuŵapu kwa Mwana wa munthu.”—Mateyu 24:37

      Mafumbu: Ntchifukwa wuli Yehova wanguzisa Chigumula? Ndi vinthu nivi vo Yehova wangukambiya Nowa?

      Genezesi 6:1-22; Mateyu 24:37-41; 2 Peturo 2:5; Yuda 6

Mabuku nga Chitonga (1996-2025)
Tuwanipu
Sereni
  • Chitonga (Malawi)
  • Tumizani
  • Vo Mukhumba
  • Copyright © 2025 Watch Tower Bible and Tract Society of Pennsylvania
  • Fundu zo Mutenere Kulondo
  • Nkhani Yakusunga Chisisi
  • Kusintha Vinthu Vachisisi
  • JW.ORG
  • Sereni
Tumizani