Ndondomeku Yakuŵerenge Bayibolu

Mu Bayibolu mwe ulongozgi wazeru wo ungatiwovya paumoyu. Asani nyengu zosi mutiliŵerenga ndi kuŵanaŵaniyapu kweniso asani mugwiriskiya ntchitu vo mwasambira, ‘vinthu vikuyendiyeningi umampha.’ (Yoswa 1:8; Sumu 1:1-3) Ndipuso mumuziŵengi umampha Chiuta ndi Mwana waki Yesu. Venivi vingachitiska kuti muzitaskiki.​—Yohane 17:3.

Kumbi mungayamba kuŵerenga mabuku nanga mu Bayibolu? Mungasankha mwija. Ndondomeku iyi yingakuwovyani kuti muŵerengi mabuku nga mu Bayibolu kwambiya pakwamba pamwenga mungachita kusankha nkhani yo mungakhumba. Mwakuyeruzgiyapu, mungasankha kuŵerenga malemba ngo ngakamba za mo Chiuta wachitiyanga ndi Ayisirayeli. Kweniso mungasankha kuŵerenga malemba nganyaki kuti muziŵi mo mpingu Wachikhristu mu nyengu ya akutumika ungwambiya kweniso mo ungukuliya. Asani zuŵa lelosi muŵerengengi machaputala ngo ngalongoleka, ndikuti mumalizengi kuŵerenga Bayibolu losi lamphumphu chaka chimoza.

Ndondomeku iyi yingakuwovyani asani mukhumba kuŵerenga Bayibolu zuŵa lelosi, asani mukhumba kuŵerenga Bayibolu losi chaka chimoza pe, pamwenga asani mukhumba kwambapu sonu kuliŵerenga. Mungapanga dawunilodi ndondomeku yakuŵerenge Bayibolu yeniyi kuti muyambi kuyigwiriskiya ntchitu.